English

Academi Wales

Rhwydwaith Coetsio Cymru Gyfan

Cynulleidfa

Coetsiwyr sy’n gweithio yn y sector cyhoeddus a’r trydydd sector yng Nghymru:

  • Agosáu at uwch arweinyddiaeth - gweithwyr proffesiynol sydd â chyfrifoldebau arwain, ac sy'n agosáu at lefel uwch arweinyddiaeth (fel arfer gyda 5 mlynedd neu fwy o brofiad arwain)
  • Uwch arweinyddiaeth - arweinwyr a swyddogion gweithredol uwch / haen uchaf, megis Prif Weithredwyr a Chyfarwyddwyr

Lleoliad

Ledled Cymru

Hyd

Parhaus

Gwybodaeth

Os hoffech chi ddod o hyd i goetsiwr i helpu eich datblygiad personol neu broffesiynol, gallwch gofrestru â’r wefan hon a chwilio trwy ein rhestr o goetswyr.

Trosolwg

Rydym wedi ymrwymo i gefnogi diwylliant coetsio sy’n cael ei arddel mewn sefydliadau sy’n gweithio ym mhob rhan o wasanaeth cyhoeddus Cymru. Rydym wedi creu’r rhwydwaith hwn er mwyn dod ag adnoddau at ei gilydd, rhoi cyfle i gael sesiynau coetsio traws-sector am ddim, a helpu coetswyr. Er mai Academi Wales sy'n cynnal y rhwydwaith, rydym yn gwerthfawrogi pob mewnbwn gan goetswyr sy'n aelodau.

Os ydych yn cael eich cyflogi yn y sector gwasanaeth cyhoeddus neu'r trydydd sector yng Nghymru, byddem wrth ein bodd pe byddech chi'n ymuno â'r rhwydwaith.

Un Gwasanaeth Cyhoeddus Cymru

Fel Un Gwasanaeth Cyhoeddus Cymru, mae gennym ni ddiben ac ysgogwyr rhaniadwy i gyflawni ansawdd bywyd gwell a pharhaol i bob un ohonom.
Dysgwch fwy am ein hymgyrch yma

Manteision i chi

Dyma gyfle i chi ymuno â rhwydwaith o goetswyr ledled Cymru, dod o hyd i gyfleoedd coetsio newydd a chael hyfforddiant.

Mae'r manteision yn cynnwys:

  • Hysbysebu i’r bobl sy’n cael eu coetsio o bob rhan o sefydliadau'r sector cyhoeddus a'r trydydd sector yng Nghymru
  • Ehangu eich arbenigedd coetsio y tu allan i gyfyngiadau eich sefydliad eich hun
  • Rhwydweithio gyda choetswyr eraill yn rhanbarthol a/neu'n genedlaethol, i gael cefnogaeth anffurfiol a chefnogaeth gan gyfoedion i'ch gweithgareddau coetsio
  • Rhannu eich arbenigedd mewn goruchwylio coetsio
  • Cymryd rhan mewn cyfleoedd DPP a drefnir ar y cyd ledled Cymru

Goruchwyliaeth coetsio

Gyda mwy o bwyslais ar goetsio ar draws gwasanaethau cyhoeddus, mae mwy o angen sicrhau bod coetswyr yn cael cymorth i dyfu a datblygu yn eu rolau. Mae goruchwyliaeth coetsio yn allweddol i helpu i reoli hyn a sicrhau ansawdd coetsio, yn ogystal â datblygu arfer proffesiynol da yn y gymuned coetsio.

Gellir diffinio goruchwyliaeth coetsio fel

“proses ffurfiol o gymorth proffesiynol, sy'n sicrhau datblygiad parhaus y coetsiwr ac effeithiolrwydd ei ymarfer coetsio drwy fyfyrio rhyngweithiol, gwerthuso deongliadol a rhannu arbenigedd" (Bachkirova, Stevens a Willis, 2005)

Er bod yr International Coach Federation (ICF) yn dweud bod goruchwyliaeth yn

“perthynas 'rhwng cyfoedion' sy'n darparu lle ar gyfer datblygiad proffesiynol parhaus."

Mynediad i oruchwyliaeth

Mae sawl ffordd y gallwch gymryd rhan mewn goruchwyliaeth:

  • Os oes gennych gymhwyster mewn goruchwyliaeth coetsio ac os hoffech gefnogi goetswyr eraill drwy ddarparu rhai sesiynau goruchwylio anfonwch e-bost atom AW.CoetsioaMentora@llyw.cymru neu soniwch amdano yn eich cais.
  • Os ydych yn darparu hyfforddiant goruchwylio mewnol gyda'ch coetswyr yn eich sefydliad eich hun gallech estyn gwahoddiad i gyd-goetswyr ar y ganolfan rhwydwaith cymunedol i ymuno â chi y gellid ei gyfnewid. Neu gallech ymuno a threfnu rhai sesiynau goruchwylio ar y cyd.
  • Goruchwyliaeth gan gyfoedion – manteisiwch ar y cyfle i gyfeillio â chyd-goetswyr ar y rhwydwaith

Mae ein dogfen Hau Hadau yn rhoi mwy o fanylion am fanteision ac ethos goruchwyliaeth coetsio:

Datblygiad Proffesiynol Parhaus (DPP):

Fel rhan o'n hymrwymiad i goetsio, rydym yn deall pwysigrwydd cefnogi datblygiad personol parhaus ein coetswyr cofrestredig.

Sut i wneud cais

I ymuno â Rhwydwaith Coetsio Cymru Gyfan, rhaid i chi:

  • Bod yn weithiwr yn y sector gwasanaeth cyhoeddus neu'r trydydd sector yng Nghymru
  • Bod â rôl sy'n gysylltiedig â choetsio
  • Cytuno i gydymffurfio â'r Safonau Gofynnol ar gyfer Coetswyr
Darllen y Safonau Gofynnol ar gyfer Coetswyr

I ymuno fel coetsiwr, rhaid i chi fod â chymhwyster coetsio gofynnol o ILM 5 neu gymhwyster cyfatebol.

Rydym hefyd yn croesawu ceisiadau gan arweinwyr coetsio – dyna unrhyw un sydd â chyfrifoldeb cyffredinol am goetsio o fewn eu sefydliad.

Gwneud cais i ymuno â'r rhwydwaith