Trosolwg

Mae ein tîm profiadol o ymarferwyr datblygu arweinyddiaeth a rheoli yn awyddus i ddarparu cefnogaeth wedi'i theilwra i wasanaethau cyhoeddus ac elusennau cofrestredig Cymru.

Gallwn:

• Gynnig cyngor, gwybodaeth ac arweiniad ar gyfer datblygu sefydliadol
• Cyflwyno sesiynau arweinyddiaeth yn eich cynhadledd neu’ch digwyddiad
• Cyflwyno un o'n cyrsiau neu’n rhaglenni byr i'ch sefydliad
• Hwyluso gweithdai datblygu tîm
• Darparu coetsio
• Cynnig arweiniad ar faterion arweinyddiaeth/gwella sydd ar gael ar draws gwasanaethau cyhoeddus/gwirfoddol Cymru
• Cynnig cymorth i rannu arfer da ar draws Cymru

Er mwyn ein helpu i roi cefnogaeth effeithiol i chi, ystyriwch:

• ein bod angen o leiaf 8 wythnos o rybudd
• pa ganlyniadau yr ydych chi eu heisiau
• faint o bobl fydd yn cymryd rhan (mae gan rai o’n cyrsiau gyfyngiadau o ran isafswm/uchafswm cyfranogwyr)
• pwy fydd y cyswllt allweddol yn eich sefydliad
• pa leoliadau(au) addas sydd ar gael i chi
• pa offer sydd ar gael i chi

Ffioedd

Rydym yn cynnig ein hamser a'n cefnogaeth yn rhad ac am ddim. Fodd bynnag, efallai y bydd yn rhaid i ni godi tâl er mwyn defnyddio diagnosteg neu ddeunyddiau trwyddedig trydydd parti.

Sut mae cysylltu â ni

Os ydych chi'n gweithio i wasanaeth cyhoeddus neu elusen gofrestredig yng Nghymru ac yn awyddus i drefnu cefnogaeth wedi'i theilwra ar gyfer eich sefydliad neu eich tîm chi, llenwch ein ffurflen cais am gefnogaeth.

Oherwydd y galw mawr, byddwn angen o leiaf 8 wythnos o rybudd. Rydym yn ceisio bodloni ceisiadau lle bynnag y bo modd.