English

Academi Wales

Coetsio a mentora

Croeso i Coetsio a Mentora Academi Wales lle byddwch yn dod o hyd i bopeth sydd angen i chi ei wybod am ein cyfleoedd coetsio.

Os hoffech chi ddod o hyd i goetsiwr i helpu eich datblygiad personol neu broffesiynol, gallwch gofrestru â’r wefan hon a chwilio trwy ein rhestr o goetswyr. Gallwch ymaelodi os ydych chi’n gweithio mewn sefydliad gwasanaeth cyhoeddus neu elusen gofrestredig sy’n gweithredu yng Nghymru.

Chwilio am goetsiwr (ar gyfer aelodau yn unig)

Chwilio am goetsiwr

Os hoffech ddefnyddio ein gwasanaethau coetsio a threfnu sesiwn goetsio bersonol am ddim, darganfyddwch sut i chwilio am goetsiwr gwasanaeth cyhoeddus Cymru sydd wedi cofrestru ar Rwydwaith Coetsio Cymru Gyfan.

Dod yn goetsiwr

Byddem yn falch iawn o’ch gwahodd i gofrestru ar Rwydwaith Coetsio Cymru Gyfan os ydych yn cael eich cyflogi yn y gwasanaeth cyhoeddus neu’r trydydd sector yng Nghymru, yn goetsiwr cymwys ac eisiau darparu coetsio gwasanaeth cyhoeddus / trydydd sector ehangach.

Datblygiad proffesiynol parhaus (DPP)

I ddarganfod sut rydym yn cefnogi datblygiad personol parhaus ein coetswyr cofrestredig, chwiliwch ein calendr digwyddiadau.

Hyb y gymuned goetsio

Rydym yn gwahodd pob coetsiwr sydd wedi cofrestru ar Rwydwaith Coetsio Cymru Gyfan i ymuno â hyb rhwydweithio’r gymuned goetsio.

Adnoddau

Porwch ein hadnoddau dysgu coetsio

Rhagor o wybodaeth

  • Yr ateb byr yw unrhyw un sydd eisiau gwella sut maent yn perfformio yn eu rôl ac sydd eisiau gwneud y gorau o’r hyn sydd ganddynt i’w gynnig. Ni all coetsio weithio oni bai bod y sawl sy’n cael ei goetsio (y 'coetsai') yn fodlon gwneud newidiadau ac yn barod i edrych sut y gallant wneud y gorau o’u sgiliau a’u galluoedd. Mae enghreifftiau’n cynnwys:

    • cychwyn mewn rôl newydd
    • derbyn tîm newydd
    • gwella eu perfformiad eu hunain
    • paratoi am newid yn eu gyrfa
    • delio â chyfnodau o ansicrwydd

    Mae ein dogfen Hau Hadau’n rhoi rhagor o fanylion am fuddiannau ac ethos coetsio:

  • Bydd y tabl canlynol yn eich helpu i benderfynu a yw coetsio yn debygol o ddiwallu eich anghenion:

    CoetsioMentora
    Mae coetsiwr yn meddu ar sgiliau coetsio arbenigol sy’n berthnasol mewn amrywiaeth o sefyllfaoedd.Mae mentor yn meddu ar wybodaeth broffesiynol / sefydliadol.
    Mae gan goetsiwr ymagwedd gyfannol ac mae’n canolbwyntio ar amcanion neu feysydd penodol i’w gwella, sy’n aml yn ymwneud yn gymaint â datblygiad personol ag â datblygiad proffesiynol.Mae mentor yn canolbwyntio ar faterion proffesiynol sy’n gysylltiedig â gwaith a datblygiad gyrfa.
    Mae perthynas goetsio fel arfer yn un tymor byr / canolig, weithiau o fewn terfynau amser; mae sesiynau fel arfer wedi’u strwythuro, gyda chyfarfodydd rheolaidd yn cael eu trefnu.Mae perthynas fentora yn fwy hyblyg, a gall barhau dros gyfnod hir heb fawr ddim / dim cysylltiad.
    Mae coetsiwr yn chwilio am atebion gan y coetsai ac nid yw’n cynnig cyngor.Gall mentor gynnig cyngor, creu cyfleoedd a chyflwyno’r mentorai i rwydweithiau proffesiynol.

     

    1. Os ydych chi’n meddwl bod coetsio yn addas i chi, gallwch gofrestru ar y wefan hon i chwilio am goetsiwr. Bydd rhaid i chi fod yn gyflogai mewn sefydliad gwasanaeth cyhoeddus neu elusen gofrestredig sy’n gweithredu yng Nghymru.
    2. Bydd angen i chi gytuno i gydymffurfio â’n cod moesegol (isod). Mae set lawn o delerau ac amodau ar gael hefyd.
    3. Gallwch hidlo’r rhestr o goetswyr sydd ar gael trwy ddefnyddio’r blychau ticio wrth ochr y rhestr. Gallwch hefyd deipio yn y blwch chwilio ar frig y rhestr. Mae hyn yn ddefnyddiol iawn os ydych chi’n chwilio am goetsiwr neu ymadrodd penodol.
    4. Ar ôl i chi ddod o hyd i goetsiwr sy’n addas ar gyfer eich anghenion, defnyddiwch yr wybodaeth a roddwyd ganddynt yn eu proffil i gysylltu â hwy.
    Chwilio am goetsiwr (cofrestru a mewngofnodwch yn gyntaf os gwelwch yn dda)

  • Fel client, rydych yn cytuno:

    • mai prif nod y contract coetsio yw helpu, cynnal a gwella eich datblygiad personol a’ch perfformiad dros gyfnod penodol o amser y cytunwyd arno.
    • y bydd popeth sy’n cael ei drafod rhyngoch chi â’ch coetsiwr yn cael ei drin yn gwbl gyfrinachol, oni bai bod y ddau ohonoch yn cytuno y gellir rhannu’r wybodaeth honno â pharti arall.
    • i baratoi ar gyfer pob sesiwn, i fod yn brydlon ac i wneud cyfraniad llawn.
    • i sicrhau nad amherir ar eich sesiynau coetsio, er mwyn rhoi sylw llawn i’r rhyngweithio.
    • y byddwch, hyd eithaf eich gallu, yn cyflawni’r amcanion a’r cynllun gweithredu cytunedig a amlinellir ar ddiwedd pob sesiwn
    • gweithredu ar unrhyw gamau yr ydych yn dewis ymrwymo iddynt o fewn y sesiynau coetsio yn unol â’r amserlenni y cytunwyd arnynt.
    • cwblhau’r holl ffurflenni gwerthuso yn ystod ac ar ôl y sesiwn olaf.

  • Ydych chi’n cael eich cyflogi yn y sector cyhoeddus neu’r trydydd sector yng Nghymru, yn goetsiwr cymwys ac eisiau darparu gwasanaeth coetsio ehangach yn y sector cyhoeddus / trydydd sector?

    Rydym yn falch o’ch gwahodd i gofrestru i fod yn rhan o Rwydwaith Coetsio Cymru Gyfan. Dyma gyfle i chi ymuno â rhwydwaith o goetswyr ledled Cymru, dod o hyd i gyfleoedd coetsio newydd a chael mynediad i hyfforddiant.

Cwestiynau cyffredin

  • Mae’r rhestr am ddim i bob cyflogai mewn sefydliadau gwasanaethau cyhoeddus ac elusennau cofrestredig sy’n gweithredu yng Nghymru. Nid oes unrhyw ffi am y coetsio a ddarperir.

  • Bydd yn rhaid i chi gytuno i gydymffurfio â’n cod moesegol uchod i ddefnyddio’r gronfa ddata ar-lein. Mae set lawn o delerau ac amodau ar gael hefyd.

  • Hoffem gael cymaint o wybodaeth â phosibl am fanteision coetsio a’r effaith mae’n ei chael ar wella gwasanaethau. Byddwn yn gofyn ichi gwblhau arolwg byr i werthuso ansawdd eich perthynas goetsio.

  • Ewch i’n tudalen rhwydwaith os ydych chi’n cael eich cyflogi o fewn sector cyhoeddus Cymru a/neu’r trydydd sector/sector gwirfoddol, ac yr hoffech gofrestru i fod yn rhan o Rwydwaith Coetsio Cymru Gyfan.

Am ddiweddariadau a rhybuddion, tanysgrifiwch i’n rhestr bostio a ticiwch Coetsio a mentora.