Trosolwg

Gall ein tîm o ymarferwyr arweinyddiaeth profiadol gefnogi arweinwyr ar bob lefel mewn gwasanaethau cyhoeddus ac elusennau cofrestredig ledled Cymru.

Ein nod yw dod ag arweinwyr o amrywiol sefydliadau ar draws y gwasanaethau cyhoeddus ynghyd i feithrin rhwydweithio, hwyluso cyfnewid gwybodaeth, a hyrwyddo rhannu arferion gorau. 

Gallwn ddarparu:

• Cyrsiau a rhaglenni datblygu arweinyddiaeth wedi'u teilwra
• Sesiynau arwain mewn cynadleddau a digwyddiadau
• Cyngor ac arweiniad ar gyfer arweinyddiaeth a datblygiad sefydliadol  

Sut i ofyn am gefnogaeth

Cyn anfon eich cais, mynnwch gip ar ein calendr digwyddiadau - efallai y dewch o hyd i sesiwn sydd eisoes yn berffaith addas i'ch anghenion!

Os ydych chi'n gweithio i wasanaeth cyhoeddus neu elusen gofrestredig yng Nghymru, a’ch bod eisiau trefnu cefnogaeth ar gyfer eich gwaith datblygu arweinyddiaeth, cysylltwch â ni gan ddefnyddio'r ffurflen gais isod i roi gwybod i ni:

• pa ganlyniadau yr hoffech eu cyflawni
• faint o bobl fydd yn cymryd rhan a'u swyddi
• eich dyddiad cyflwyno delfrydol
• manylion y lleoliad(au) a'r offer sydd ar gael

Er mwyn ein helpu i benderfynu a allwn eich cefnogi, a sut, mae angen gwybodaeth fanwl arnom am eich canlyniadau dysgu arfaethedig. 

Byddwn yn ystyried pob cais. Oherwydd galw uchel, gallai fod oedi o hyd at 6 mis cyn y gallwn gefnogi cyflwyno darpariaeth. 

Rydym yn cynnig ein hamser a'n cefnogaeth yn rhad ac am ddim. Efallai y bydd yn rhaid i ni godi tâl am ddarpariaeth gan ein partneriaid, neu am ddefnyddio deunyddiau neu ddiagnosteg drwyddedig.