Trosolwg

Bydd Insights Discovery yn newid y ffordd rydych chi'n gweld eich hun ac eraill.  Mae'n gymorth pwerus i’ch helpu tuag at hunanymwybyddiaeth yn eich rôl fel arweinydd. Bydd y gweithdy rhyngweithiol hwn, sy’n defnyddio Insights Discovery, offeryn seicometrig sy'n seiliedig ar seicoleg Carl Jung, yn eich helpu i berfformio ar eich gorau trwy wella eich dealltwriaeth ohonoch chi eich hun ac eraill.  

Mae methodoleg Insights Discovery yn defnyddio model pedwar lliw syml a chofiadwy i'ch helpu i ddeall eich arddull, eich cryfderau a'r gwerth rydych chi'n ei gyfrannu i'r tîm. Rydyn ni'n galw'r rhain yn egnïon lliw, a'r cymysgedd unigryw o egni Coch Tanllyd, Melyn yr Haul, Gwyrdd y Ddaear a Glas Ysgafn, sy'n pennu sut a pham mae pobl yn ymddwyn fel y maen nhw.

Bydd meysydd allweddol ar gyfer archwilio a chymhwyso’n cynnwys:

• archwilio dewisiadau personol gan ddefnyddio eich proffil Insights Discovery personol, 
• cydnabod a gwerthfawrogi gwahaniaethau eraill, a, 
• dysgu sut i addasu eich ymddygiad i ryngweithio ag eraill yn fwy effeithiol.

Manteision i chi

• Mwy o ymwybyddiaeth o'ch ymddygiadau personol gan ddefnyddio proffil personol manwl. 
• Gwell perthnasoedd gwaith ag eraill yn seiliedig ar gyd-ddealltwriaeth.
• Deall sut i wneud y mwyaf o'ch cryfderau a gwella'ch meysydd ar gyfer datblygu

Ymddygiad arweinyddol

Bydd y rhaglen hyfforddiant yma yn gymorth i chi ddatblygu eich ymddygiad arweinyddol yn y meysydd canlynol:

Mwy o wybodaeth

Bydd angen i ddysgwyr gwblhau ffurflen werthuso cyn dod i'r gweithdy – mae'n cymryd tua 20 munud i'w chwblhau.