English

Academi Wales

Ysgol Aeaf 2024 - mwy o wybodaeth

I gael mwy o wybodaeth, cysylltwch â’r tím drwy anfon e-bost at Ysgol Aeaf.

Atebwch y cwestiynau canlynol yn eich cais.

Efallai na fydd eich syniadau ynghylch eich her wedi eu llunio’n llawn neu’n hawdd eu mynegi ar hyn o bryd. Mae hynny’n iawn- mae cael eglurder a chipolwg ar eich her yn rhan o brofiad yr Ysgol Aeaf. Mae nifer y geiriau yn adlewyrchiad o’r arddulliau ymateb amrywiol yr ydym yn disgwyl eu derbyn. Weithiau, mae llai yn cael mwy o effaith ond rydym yn ymwybodol hefyd bod ysgrifennu atebion cryno yn cymryd amser. Cysylltwch â’r Ysgol Aeaf os oes gennych unrhyw ymholiadau wrth lenwi’r ffurflen gais.

  • Eich Her – Beth sy’n meddiannu’ch meddwl, efallai hyd yn oed yn eich cadw chi’n effro yn y nos? Pa ffactorau cymdeithasol, amgylcheddol, sefydliadol ac economaidd sy’n cyfrannu at yr her hon? Beth sy’n ei gwneud yn fwy na dim ond un broblem arall i’w datrys? (50 i 500 geiriau)
  • Pa rannau eraill o’r system sy’n cyfrannu at eich her? Gyda phwy y bydd angen i chi weithio i newid hyn? (50 i 350 geiriau)
  • Mewn byd delfrydol, beth fyddech chi’n hoffi ei wneud i ddatrys eich her sy’n teimlo’n amhosibl ar hyn o bryd? (50 i 350 geiriau)

Bydd profiad tîm yr Ysgol Aeaf yn cael ei ddefnyddio i adnabod y ffactorau yr ydym yn chwilio amdanynt fel rhan o’r broses sifftio a bydd lleoedd yn cael eu gwobrwyo yn seiliedig ar addasrwydd yr her a gyflwynir.

Bydd ystyriaeth i gynrychiolaeth sector a rhanbarthol gyda chynrychiolwyr yn cael eu dewis ar draws y sector cyhoeddus er mwyn galluogi ystod eang o safbwyntiau ac er mwyn eich cefnogi chi i gryfhau eich rhwydwaith proffesiynol.

Faint mae'n ei gostio?

£600 + TAW. Mae hyn yn cynnwys:

  • mynediad at raglen ddysgu lawn yr Ysgol Aeaf
  • pecyn cynrychiolydd
  • llety (dydd Mawrth 27 Chwefror i dydd Gwener 1 Mawrth 2024)
  • brecwast, cinio a phryd nos yn ystod y digwyddiad

Rhaid i chi dalu unrhyw gostau personol sy'n codi, megis teithio i'r digwyddiad ac oddi yno.

Sylwch: Os dyfernir lle i chi ac yn ddiweddarach rydych chi’n penderfynu tynnu’n ôl o’r rhaglen, mae gan Academi Wales yr hawl i godi tâl gweinyddu ar eich sefydliad – ewch i’n gwefan am ragor o wybodaeth.

Llety

Digwyddiad preswyl yw’r Ysgol Aeaf a darperir llety ar gyfer pob ymgeisydd llwyddiannus.

Adran o Lywodraeth Cymru yw Academi Wales. Mae angen rhoi’r manylion canlynol yn eich cais:

  • Enw a cyfeiriad yr sefydliad sy'n talu i chi fod yn bresennol
  • Enw a chyfeiriad e-bost y swyddog bilio

Cyflenwr: Llywodraeth Cymru
Cyfeiriad cyflenwr: Llywodraeth Cymru, Parc Cathays, Caerdydd CF10 3NQ

I gadarnhau eich lle, bydd angen i chi ddarparu rhif gorchymyn prynu. Caiff eich sefydliad ei anfonebu am eich ffi cynadleddwr yn dilyn eich presenoldeb yn Ysgol Aeaf 2024.

Am ragor o fanylion ynglyn â gofynion anfonebu, cysylltwch â’n tîm cyllid ar AW.Busnes@llyw.cymru.

Bilio ar gyfer ymgeiswyr Llywodraeth Cymru

Adran o Lywodraeth Cymru yw Academi Wales. I gefnogi eich cais, rhowch y manylion canlynol:

  • Cyfeiriad e-bost rheolwr cyllid cangen

I gadarnhau eich lle, rhaid i'ch rheolwr cyllid cangen ddarparu'r manylion canlynol i AW.Busnes@llyw.cymru:

  • Canolfan elw
  • Cod gweithgarwch
  • Rhif personél neu enw’r cynrychiolydd

Byddwn yn cyhoeddi trosglwyddiadau cofnodi i gasglu ffioedd y cwrs ar ôl y digwyddiad.

Os oes angen rhagor o fanylion arnoch chi am y gofynion trosglwyddo cyfnodolyn, cysylltwch â’n tîm cyllid ar AW.Busnes@llyw.cymru.

Amserlen gyffredinol – agor a chau'r digwyddiad

Dydd Mawrth 27 Chwefror

  • 11 yb: cofrestru a dyrannu llety (os fyddwch yn cyrraedd cyn 11 yb, rhowch wybod i ni)
  • 12 yp: cinio
  • 1 yp: rhaglen yn dechrau

Dydd Gwener 1 Mawrth

  • 12.30 yp: diwedd y rhaglen

Paratoi rhaglen Ysgol Aeaf bersonol

Lle bo hynny’n berthnasol, mae’n ofynnol i chi gwblhau’r holl waith a osodwyd ymlaen llaw gan y siaradwyr.

Hyb cynrychiolwyr

Bydd cynrychiolwyr llwyddiannus yn cael eu cofrestru ar hyb cynrychiolwyr yr Ysgol Aeaf.  Mae hwn yn safle caeedig diogel a gallwch fynd iddo unrhyw bryd, yn unrhyw le ac ar unrhyw ddyfais. Bydd yr hyb yn rhoi cyfle i rannu gwybodaeth bwysig cyn y digwyddiad, cael trafodaethau a rhwydweithio â’ch cyd-gynrychiolwyr.

Mae’n bwysig eich bod yn mewngofnodi i’r hyb i gael diweddariadau rheolaidd a gwybodaeth bwysig am y rhaglen.

Bydd angen porwr gwe cyfredol arnoch fel Microsoft Edge neu Google Chrome i gael mynediad i'r hyb.

  • Oes - rhaid i gynrychiolwyr fod yn bresennol drwy gydol y rhaglen. Mae wedi cael ei chynllunio'n bwrpasol ac ni fyddwch yn elwa'n llawn oni fyddwch yn cwblhau pob agwedd.

  • Ydyn – fodd bynnag, rydym yn eich annog i fanteisio ar ran breswyl y rhaglen. Os ydych chi’n byw’n lleol, efallai y byddwch yn cymudo’n ôl ac ymlaen i’ch cartref – rhowch wybod i ni cyn gynted â phosib os nad oes angen llety. Mae dal yn ofynnol i gynadleddwyr nad ydyn nhw’n aros i dalu’r ffi o £600 a TAW.

  • Nid oes cyfleusterau gofal plant na crèche ar gael. Bydd gofyn i chi wneud eich trefniadau gofal plant eich hun.

  • Mae prydau a lluniaeth wedi eu cynnwys yn y rhaglen (fodd bynnag nid yw alcohol na lluniaeth y bar neu'r caffi yn gynwysedig)

    • Brecwast: rhwng 7.30 a 8.30 yb bob dydd
    • Swper: 7.30 yp.

    Mae bar bychan sy’n derbyn arian parod a chaffi ar y safle. Noder: nid oes peiriant codi arian yn y lleoliad nac yn agos ato. Codwch arian cyn dod os ydych chi’n bwriadu defnyddio’r cyfleusterau hyn.

  • Nodwch ar eich ffurflen gais os oes angen unrhyw gymorth arnoch neu os oes gennych unrhyw anghenion meddygol neu ddietegol penodol. Os oes angen, byddwn yn cysylltu â chi i drafod hyn yn nes at y digwyddiad.

  • Mae’r Ysgol Aeaf yn Saesneg ei chyfrwng. Ond mae’r deunyddiau a'r pecynnau i gynrychiolwyr ar gael yn ddwyieithog.

    • Oherwydd lleoliad anghysbell y ganolfan, efallai na fydd llawer o signal ffôn symudol. Fodd bynnag, gallwch ddefnyddio llinell ddaearol 24/7.
    • Mae Wifi ar gael ym mhobman heblaw am y capel

    • Fflachlamp: Safle bach yw Nant Gwrtheyrn ond, o achos ei leoliad, mae symud rhwng y neuadd weithgaredd a'r llety (yn enwedig yn y nos) yn gallu bod yn arbennig o dywyll felly byddai fflachlamp yn ddefnyddiol.
    • Pethau ymolchi, sychwr gwallt ac ati
    • Arian parod (sylwch: nid oes peiriannau arian na siopau gerllaw)
    • Cyflenwad o de, llaeth a bisgedi, gan fod gan rai o'r bythynnod geginau (ond cyflenwir yr holl fwyd a lluniaeth eraill yn ystod y digwyddiad)

    • Sesiynau ystafell ddosbarth - mae croeso i chi wisgo’n hamddenol.
    • Taith gerdded - awgrymwn eich bod yn dod â dillad cynnes, cyfforddus ar gyfer yr awyr agored, ac esgidiau cryf. Bydd hi'n anodd rhagweld y tywydd a gall droi'n oer iawn.
    • Mae’n dipyn o draddodiad bod pobl sy’n dod i’r Ysgol Aeaf yn mynd ar daith gerdded ben bore ar hyd llwybr yr arfordir cyn i sesiynau ddechrau. Os hoffech chi wneud hyn dewch â fflachlamp, esgidiau addas a dillad cynnes priodol.

  • Cadwn yr hawl i dynnu lluniau/fideo yn ystod y digwyddiad a gallant gael eu defnyddio at bwrpas cyhoeddusrwydd a chreu gwybodaeth dysgu.

  • Trenau

    www.thetrainline.com (allanol)

    Rhannu car

    Gyda'ch sêl bendith fe wnawn ni rannu eich manylion cyswllt pan fydd y rhestr o gynrychiolwyr wedi ei chadarnhau. Yna gallwch wneud eich trefniadau eich hunain ar gyfer rhannu car i'r digwyddiad ac oddi yno.

  • Tîm yr Ysgol Aeaf

    YsgolAeaf@llyw.cymru

    03000 256 687

    Nant Gwrtheyrn - y Lleoliad

    Llithfaen, Pwllheli, Gwynedd LL53 6NL
    01758 750 334

    Nant Gwrtheyrn (allanol)

     

I gael mwy o wybodaeth, cysylltwch â’r tím drwy anfon e-bost at Ysgol Aeaf.