Emmanuel Gobillot

Wedi'i ddisgrifio fel 'y guru arweinyddiaeth cyntaf ar gyfer y genhedlaeth ddigidol' a'r 'llais mwyaf ffres mewn arweinyddiaeth heddiw', mae Emmanuel wedi cynghori sefydliadau ledled y byd ar ddatblygu arweinwyr, sefydlu timau, a newid diwylliannau.

Mae’n un o siaradwyr arweinyddiaeth mwyaf poblogaidd Ewrop, ac mae'n awdur a chyd-awdur 8 llyfr oedd yn werthwyr gorau yn y DU a'r Unol Daleithiau. Yn 2024 cyhoeddodd fersiwn wedi'i diweddaru'n llawn o'i lyfr arloesol 'The Connected Leader' a gyhoeddwyd gan De Gruyter, ynghyd â llyfr newydd 'This is Not a Leadership Book' a gyhoeddwyd gan Routledge a sicrhaodd ei le fel un o feddylwyr rheoli mwyaf blaenllaw'r byd. Bydd ei lyfr newydd 'Alive Inside – Unlocking your leadership advantage in the age of AI' yn cael ei ryddhau ym mis Ionawr 2026.

Ers dros 20 mlynedd mae ei waith wedi ei seilio ar ei fantra - 'mae'n rhaid bod ffordd well a gyda'n gilydd gallwn ddod o hyd iddi’.

Daw Emmanuel o Ffrainc a symudodd i'r DU ym 1985. Mae ganddo Fagloriaeth Ryngwladol o Goleg yr Iwerydd, MA (Anrh) o Brifysgol St Andrews a Diploma mewn Gwyddor Rheoli o Brifysgol Nottingham Trent. Yn dad i ddau o blant (Charlotte a George) sydd bellach yn oedolion, mae Emmanuel yn byw yn Llundain gyda'i wraig Katherine Thomas. 

Julie Hutchison

Think Be Do Leadership

Mae Julie yn Goets Arweinyddiaeth ac Effaith arobryn sy'n helpu arweinwyr i ddatblygu effaith ymwybodol, sgiliau arwain, a pherfformiad timau. 

Hi sydd wedi creu’r fethodoleg Team Performance Engine™ a’r rhaglenni Leaders Launchpad™, Speak Up and Lead™ a The Impact Accelerator™, gyda’r nod o gynnig rhaglenni hygyrch i ddatblygu arweinyddiaeth a pherfformiad tîm ymarferol ac effeithiol.  

Mae hi'n credu mewn datblygu arweinyddiaeth groesawgar yn ogystal â sgiliau meddal sy'n syml ac yn hawdd i'w gweithredu mewn busnes. 

Mae ganddi ddiddordeb mawr mewn ymddygiad pobl, sut mae straen yn dylanwadu ar ein gwaith, a'i effaith ar ein gallu i arwain yn llwyddiannus.

Arferai Julie fod yn Arolygydd Heddlu yn Swydd Hertford, ac yno dysgodd sut i arwain mewn sefyllfaoedd heriol, pan oedd angen iddi feithrin perthnasoedd mewn munudau, a dylanwadu mewn eiliadau.  Gyda’r sgiliau hyn, mae hi’n helpu gweithwyr proffesiynol i ategu at eu harbenigedd technegol trwy ddefnyddio sgiliau meddal, a hynny er mwyn creu busnesau mwy cynhyrchiol a phroffidiol. 

Mae ganddi gleientiaid o’r Sector Cyhoeddus (Plismona, GIG, DWP, Cynghorau); o faes Technoleg a Gweithgynhyrchu, o Sefydliadau Treftadaeth a mwy.

Nick Obolensky

Nick yw Sylfaenydd Complex Adaptive Leadership Ltd (DU) a Rheolwr Gyfarwyddwr Agile+ Consultants (Tsieina). Mae'n arweinydd meddwl a gydnabyddir yn rhyngwladol, sy'n cysylltu gwyddoniaeth cymhlethdod â doethineb Tsieineaidd hynafol, er mwyn i arweinwyr lywio amseroedd Anwadal, Ansicr, Cymhleth, ac Amwys (VUCA) mewn ffordd ymarferol. Mae wedi ennill amryw o wobrau gan gynnwys "Y Cwmni Datblygu Arweinyddiaeth Gorau" yn 2025, Arweinydd Agile ThoughT gan yr Agile Business Consortium a Gwobr Aur EFMD ar gyfer Datblygu Gweithredol gan guro llawer o ysgolion busnes blaenllaw.  Mae ganddo brofiad arweinyddiaeth eang gan gynnwys:

Ymarferwr: Uwch-gapten Addurnedig Byddin Prydain (yr ieuengaf ar y pryd) yn ei ugeiniau; Cyfarwyddwr Datblygu cwmni FTSE 100 (cyfrifoldeb llinell dros 12,000 o staff, cyfrifoldeb newid dros 45,000 o staff)

Ymgynghorydd: Ymgynghorydd Strategaeth Weithredol Ernst & Young.

Academydd: Athro Arweinyddiaeth Nyenrode (athro MBA y flwyddyn ddwywaith); athro arweinyddiaeth gwadd: LBS, INSEAD, EHL, Duke CE a Thunderbird.  Ar hyn o bryd mae’n athro arweinyddiaeth yn CEDEP (campws INSEAD, Fontainebleau) ac Ysgol Fusnes Ecole Des Ponts (campws Morrocco).

Awdur: Amrywiaeth o lyfrau gan gynnwys: “Complex Adaptive Leadership – Embracing Paradox and Uncertainty” (gwerthwr gorau Gower wedi'i gyfieithu yn Tsieina fel "Arweinyddiaeth y Dyfodol" 未来领导力). 

Mwy yn: https://uk.linkedin.com/in/nickobolensky

Tanya Sullivan

Morwr a siaradwr ysgogol

Nid yw Tanya yn ddieithr i amgylcheddau pwysedd uchel. Yn arweinydd lletygarwch llwyddiannus iawn a drodd yn forwr proffesiynol, mae Tanya yn dod â dros dri degawd o brofiad mewn rheoli pobl, risg a phwysau - mewn busnes ac ar y môr. Mae hi wedi bod yn gapten ar sawl taith ar draws y Cefnfor ac ar sawl ymgyrch Rolex Fastnet ac mae wedi cystadlu yn rhai o regatas hwylio amlycaf y byd. Mae Tanya yn gwybod beth mae'n ei olygu i arwain pan mae'r risgiau’n uchel. 

Gan ddefnyddio blynyddoedd o brofiad yn tywys criwiau trwy stormydd ac anawsterau, a dathlu eiliadau rhyfeddol o waith tîm a buddugoliaeth, mae Tanya yn dod â gwersi pwerus o'r cefnfor i'r gweithle—gan gynnig cipolwg ymarferol, doniol a dynol iawn ar waith tîm a gwydnwch. 

Mae sgyrsiau Tanya yn gyfoethog o brofiadau bywyd go iawn a doethineb ymarferol, gan dynnu sylw at sut y gall dewrder, cydweithio ac eglurder ein cario trwy ddyfroedd ansicr.

Derek Walker

Comisiynydd Cenedlaethau'r Dyfodol Cymru

Cymru yw’r unig wlad yn y byd sydd â Deddf Llesiant Cenedlaethau’r Dyfodol ac mae’r rôl yn rhoi cyngor a chefnogaeth i'r llywodraeth a chyrff cyhoeddus i gymryd gweledigaeth hirdymor ar benderfyniadau polisi. Gwaith y comisiynydd yw diogelu a hyrwyddo anghenion cenedlaethau’r dyfodol.

Derek Walker yw’r ail Gomisiynydd Cenedlaethau’r Dyfodol, ar ôl dechrau’r rôl ar 1af o Fawrth 2023, pan alwodd am ‘newid bryd a thrawsnewidiol’ yng Nghymru.

Cyn hynny, ef oedd prif weithredwr Cwmpas, asiantaeth datblygu fwyaf y DU. Treuliodd Derek 12 mlynedd fel Prif Swyddog Gweithredol, yn gweithio i gefnogi pobl a cymunedau i greu swyddi a chryfhau cymunedau, a newidiodd ffocws y sefydliad ar ddatblygu sy’n diwallu anghenion y cenedlaethau’r presennol heb gyfaddawdu ar anghenion cenedlaethau’r dyfodol.

Dechreuodd Derek ei yrfa fel swyddog polisi i Gynghorau Llundain, yn Llundain a Brwsel. Mae hefyd wedi gweithio fel Pennaeth Materion Allanol yn y Gronfa Loteri Fawr (Cymru), fel Pennaeth Polisi ac Ymgyrchoedd yn TUC Cymru ac ef oedd cyflogai cyntaf Stonewall Cymru.

Magwyd Derek ar fferm ger Cwmbrân ac mae’n rhedwr brwd a chwaraewr tenis, wrth ei fodd yn darllen ac yn ddysgwr Cymraeg. Mae bellach yn byw yng Nghaerdydd gyda’r bartner Mike ac mae ganddo ddau o blant. Ei uchelgais tra yn Ysgol Gyfun Croesyceiliog oedd bod yn newyddiadurwr ac mae ganddo radd Meistr mewn Newyddiaduraeth Ryngwladol o Brifysgol Caerdydd. Mae'n hapus sut mae bywyd wedi troi allan ac mae’n dweud mai bod yn warcheidwad buddiannau pobl sydd heb eu geni eto yw’r fraint fwyaf.