Polisi preifatrwydd

Hysbysiad preifatrwydd ar gyfer Academi Wales

Diweddarwyd 11 Rhagfyr 2023

Crëwyd Academi Wales (y cyfeirir ato fel ‘ni’ neu ‘ein’), fel rhan o Lywodraeth Cymru, ym mis Medi 2012 fel y ganolfan rhagoriaeth mewn arweinyddiaeth a rheolaeth ar gyfer gwasanaethau cyhoeddus yng Nghymru.

Mae’r hysbysiad hwn yn nodi sut y byddwn yn defnyddio eich data personol, a’ch hawliau mewn perthynas â’r data hwnnw.

1. Eich data

1.1 Pwrpas

Mae Academi Wales yn ceisio trawsnewid Cymru drwy ragoriaeth mewn arweinyddiaeth, i adeiladu dyfodol i Gymru lle mae arweinyddiaeth ein gwasanaethau cyhoeddus yn weledigaethol, yn gydweithredol, yn arloesol ac yn llwyddiannus wrth ysgogi gwelliant ym mywydau pobl sy'n byw yng Nghymru.

I wneud hyn, rydym yn darparu digwyddiadau ac ymyriadau dysgu ar gyfer staff y sector cyhoeddus a'r trydydd sector yng Nghymru. Mae angen i ni brosesu rhywfaint o ddata personol i'n galluogi i reoli pob agwedd ar ein perthynas â'n cynulleidfa. Bydd y prosesu hefyd yn caniatáu i'n cynulleidfa gysylltu a rhyngweithio â'i gilydd i gefnogi eu profiadau datblygu dysgu. Bydd y data personol a brosesir yn cynnwys y rhai sy'n ymuno â ni fel cynrychiolwyr (gan gynnwys cynorthwywyr personol, swyddfeydd preifat a staff cymorth eraill); cyn-siaradwyr, siaradwyr presennol a darpar siaradwyr ar gyfer ein digwyddiadau ac ymyriadau dysgu, a'r rhanddeiliaid yr ydym yn cydweithio â nhw.

Rydym yn bwriadu:

casglu manylion staff gwasanaethau cyhoeddus a staff y trydydd sector yng Nghymru (ein cynrychiolwyr), a darpar siaradwyr o arolygon ar-lein ac o ffynonellau cyhoeddus er mwyn
- rhoi'r manylion hyn ar gronfeydd data diogel yr ydym yn eu rheoli
- defnyddio'r data hwn i drefnu, cynnal a hwyluso digwyddiadau a gweithgareddau arweinyddiaeth ar gyfer arweinwyr gwasanaethau cyhoeddus Cymru a'r trydydd sector
cydweithio â'n rhanddeiliaid, ein cynulleidfa ac eraill
defnyddio eich manylion cyswllt (enw, e-bost a rhif ffôn) i gysylltu â chi i gymryd rhan mewn ymchwil i adeiladu ein sylfaen dystiolaeth ar ein strategaeth a'n heffaith ar arweinyddiaeth gwasanaethau cyhoeddus. Mae cymryd rhan mewn gweithgareddau ymchwil bob amser yn wirfoddol.
defnyddio data anabledd, hygyrchedd ac alergenau i sicrhau bod ein digwyddiadau a'n gweithgareddau arweinyddiaeth mor gynhwysol â phosibl
casglu data amrywiaeth gan ddysgwyr a siaradwyr i asesu ein hystadegau amrywiaeth a chynhwysiant ein hunain ar gyfer ein cynulleidfa rhwydwaith a rhaglen o arweinwyr gwasanaethau cyhoeddus a thrydydd sector yng Nghymru
anfon gwybodaeth farchnata am ein gwasanaethau i bobl sy'n optio i mewn i'n cyfathrebiadau
cofnodi digwyddiadau a gweithgareddau arweinyddiaeth, a rhannu'r recordiadau ar ein gwefan i ddarparu adnoddau dysgu ar gyfer ein cynulleidfa rhwydwaith a rhaglen ac eraill, yn amodol ar gytundeb y siaradwr (siaradwyr) dan sylw.
tynnu ffotograffau mewn digwyddiadau a gweithgareddau arweinyddiaeth, a rhoi cyhoeddusrwydd i ddigwyddiadau a gweithgareddau arweinyddiaeth gan ddefnyddio'r cyfryngau cymdeithasol, yn amodol ar gytundeb y mynychwyr dan sylw

1.2 Seiliau prosesu cyfreithlon

1.2.1 Tasg gyhoeddus

Ein sail gyfreithlon ar gyfer prosesu gwybodaeth yn ein gweithgareddau gweithredol a dysgu yw ein tasg gyhoeddus; hynny yw, arfer ein hawdurdod swyddogol i ymgymryd â'n rôl a'n swyddogaethau craidd fel rhan o Lywodraeth Cymru.

Pan fo'r wybodaeth yn gyfystyr â data personol categori arbennig, y sail gyfreithiol ychwanegol yw bod y prosesu'n angenrheidiol am resymau sydd o fudd sylweddol i'r cyhoedd. Mae hyn oherwydd:

mae angen i ni gasglu data personol categori arbennig ymgeiswyr a chyfranogwyr digwyddiadau i asesu ein hystadegau amrywiaeth a chynhwysiant ein hunain ar gyfer ein cynulleidfa rhwydwaith a rhaglen o wasanaethau cyhoeddus Cymru ac arweinwyr y trydydd sector, er mwyn sicrhau bod ein cynnig yn cyrraedd cynulleidfa sy'n adlewyrchu'r gymdeithas y mae'n ei gwasanaethu. Mae hyn yn cynnwys eich nodweddion gwarchodedig: rhyw; hunaniaeth rywiol; hunaniaeth rhywedd; oed; hunaniaeth genedlaethol; ethnigrwydd; anabledd; crefydd; statws beichiogrwydd; statws partneriaeth.
Rydym yn defnyddio rhywfaint o ddata anabledd, hygyrchedd ac alergenau at ddibenion gwneud addasiadau rhesymol mewn digwyddiadau a gynhelir gennym.

1.2.2 Caniatâd

Rydym yn gofyn am eich caniatâd i brosesu eich data personol i:

anfon gwybodaeth farchnata at bobl sy'n gofyn amdani
cofnodi gweithgareddau a ddewiswyd yn ystod rhaglen neu ddigwyddiad, yn amodol ar gytundeb y siaradwr/siaradwyr dan sylw
tynnu ffotograffau mewn digwyddiadau a gweithgareddau arweinyddiaeth, yn amodol ar gytundeb y mynychwyr dan sylw

1.3 Derbynwyr

Byddwn bob amser yn lleihau'r data rydym yn ei rannu.

Rydym yn rhannu eich manylion gyda'n partneriaid a/neu ddarparwyr at ddibenion cyflwyno a gwerthuso digwyddiadau ac ymyriadau dysgu.
Rydym yn rhannu eich enw, rôl swydd a threfniadaeth gyda siaradwyr digwyddiadau arweinyddiaeth, i'w galluogi i addasu eu cynnwys dysgu i ddiwallu eich anghenion.
Pan fyddwch yn ymuno â chyfarfodydd ar-lein neu rwydweithiau ar-lein, mae eich gwybodaeth yn weladwy i gyfranogwyr eraill. Mae hyn yn cynnwys eich ffrwd fideo, enw, sefydliad, cyfeiriad e-bost a rhif ffôn.
Mae'r wybodaeth rydych chi'n ei chynnwys yn eich proffil aelod yn weladwy i aelodau eraill o'n gwefan. Gallwch ddiweddaru proffil eich gwefan ar unrhyw adeg.
Os bydd digwyddiad neu weithgaredd arweinyddiaeth yn gofyn i chi drefnu noddwr/ cymeradwywr sefydliadol, byddwn yn rhoi gwybod i'ch noddwr/cymeradwywr am eich cynnydd yn ystod y digwyddiad/gweithgaredd. Ni fydd hyn yn cynnwys unrhyw wybodaeth gyfrinachol neu sensitif.
Os ydych angen ac yn cytuno i gymryd rhan mewn diagnosteg datblygiad personol fel rhan o ddigwyddiad neu weithgaredd arweinyddiaeth, byddwn yn rhannu'ch gwybodaeth angenrheidiol gyda darparwr/darparwyr achrededig y diagnosteg.
Byddwn yn rhannu eich enw, eich gofynion hygyrchedd a'ch gofynion dietegol gyda lleoliad(au) digwyddiadau i wneud addasiadau rhesymol i chi.

Gallwn hefyd ddatgelu eich gwybodaeth bersonol yn yr amgylchiadau canlynol:

os ydym o dan ddyletswydd i ddatgelu neu rannu eich data personol er mwyn cydymffurfio ag unrhyw rwymedigaeth gyfreithiol, neu er mwyn gorfodi neu gymhwyso ein telerau ac amodau a chytundebau eraill; neu i ddiogelu hawliau, eiddo neu ddiogelwch Llywodraeth Cymru, neu eraill; neu i ymchwilio neu atal trosedd.
Os ydych yn cytuno.

1.4 Cadw

Byddwn yn cadw eich data personol cyhyd â'ch bod yn bodloni o leiaf un o'r meini prawf canlynol:

rydych yn cael eich cyflogi gan sefydliad gwasanaeth cyhoeddus neu drydydd sector cymwys yng Nghymru
rydych yn ymgymryd â rôl fel aelod o staff cymorth ar gyfer arweinydd sy'n perthyn i'n cymuned arweinyddiaeth
mae gennych ddiddordeb mewn cydweithio â ni

nid ydych wedi rhoi gwybod i ni nad ydych bellach yn gweithio i sefydliad cymwys

Byddwn yn dileu a / neu'n gwneud yn ddienw unrhyw ddata personol a gedwir gennym ar unigolion nad ydynt bellach yn bodloni'r meini prawf uchod.

Os ydych wedi mynegi diddordeb mewn siarad yn ein digwyddiadau ac ymyriadau dysgu, byddwn yn cadw eich data personol am 10 mlynedd neu hyd nes y byddwch yn gofyn i ni ei ddileu, pa un bynnag sydd gyntaf.

Byddwn yn dileu a/neu'n gwneud yn ddienw pob data personol categori arbennig 2 fis ar ôl diwedd y digwyddiad/gweithgaredd perthnasol.

2. Eich hawliau

Mae gennych yr hawl:

i gael mynediad at gopi o'ch data eich hun;
i ni gywiro gwallau yn y data hwnnw;
i wrthwynebu neu gyfyngu ar brosesu (mewn rhai amgylchiadau);
i'ch data gael ei 'ddileu' (mewn rhai amgylchiadau); ac
i gyflwyno cwyn i Swyddfa'r Comisiynydd Gwybodaeth (ICO), sef ein rheoleiddiwr annibynnol ar gyfer diogelu data.

Y manylion cyswllt ar gyfer Swyddfa'r Comisiynydd Gwybodaeth yw: Wycliffe House, Water Lane, Wilmslow, Swydd Gaer, SK9 5AF. Rhif ffôn 0303 123 1113. Gwefan: ico.org.uk.

3. Trosglwyddiadau rhyngwladol

Gan fod eich data personol yn cael ei storio ar ein seilwaith TG, a'i rannu gyda'n proseswyr data, gellir ei drosglwyddo a'i storio'n ddiogel y tu allan i'r DU. Lle bo hynny'n wir, bydd yn ddarostyngedig i amddiffyniad cyfreithiol cyfatebol naill ai drwy benderfyniad digonolrwydd neu drwy gymalau cytundebol safonol / Cytundebau Trosglwyddo Data Rhyngwladol.

4. Manylion cyswllt

Y rheolydd data ar gyfer eich data personol yw Llywodraeth Cymru. Y manylion cyswllt ar gyfer y rheolwr data yw: Llywodraeth Cymru, Parc Cathays, Caerdydd CF10 3NQ.

Y manylion cyswllt ar gyfer Swyddog Diogelu Data y rheolydd data yw: SwyddogDiogeluData@llyw.cymru.

Mae'r Swyddog Diogelu Data yn darparu cyngor annibynnol ac yn monitro ein defnydd o wybodaeth bersonol.

Polisi preifatrwydd ar gyfer gwefan hon

Diweddarwyd 11 Rhagfyr 2023

1. Gwybodaeth am y polisi preifatrwydd hwn

Mae’r polisi preifatrwydd hwn yn nodi sut mae Llywodraeth Cymru (‘ni’) yn casglu data ac yn defnyddio gwybodaeth amdanoch fel rhan o’ch fel rhan o’ch defnydd o academiwales.gov.wales (y ‘wefan’).

Darllenwch y polisi preifatrwydd yn ofalus i ddeall sut byddwn ni’n defnyddio eich gwybodaeth bersonol.

Mae hyn yn cynnwys data personol:

sy'n cael ei ddefnyddio er mwyn i chi allu mewngofnodi i adrannau diogel y wefan;
sy'n cael ei gasglu gennych chi yn ystod sesiwn bori;
rydych chi’n ei ddarparu i ni; a
rydych chi'n ei uwchlwytho fel rhan o'ch defnydd o'r wefan.

Gallwch gael rhagor o fanylion ynglŷn â sut rydyn ni’n rheoli ein digwyddiadau ar ein tudalen Telerau ac Amodau.

2. Cysylltu â ni

Os byddwch yn dymuno cysylltu â ni ynglŷn â’r polisi preifatrwydd hwn, gallwch wneud hynny drwy:

anfon e-bost atom yn academiwales@llyw.cymru; neu
ysgrifennu atom yn Academi Wales, Llywodraeth Cymru, Parc Cathays, Caerdydd, CF10 3NQ.

3. Newidiadau i’r polisi preifatrwydd hwn

Mae’n bosibl y bydd y polisi preifatrwydd hwn yn cael ei ddiweddaru o bryd i’w gilydd. Bydd y fersiwn diweddaraf yn ymddangos yma ar y dudalen hon. Byddwn yn rhoi gwybod i chi os byddwn yn gwneud unrhyw newidiadau sylweddol i’r polisi preifatrwydd hwn neu i’r ffordd y byddwn ni’n casglu, yn cadw ac yn defnyddio eich gwybodaeth bersonol.

4. Pori’r wefan heb fewngofnodi

Mae’r wefan hon wedi'i strwythuro er mwyn i chi allu ymweld â hi heb ddweud pwy ydych chi na datgelu unrhyw wybodaeth bersonol amdanoch chi’ch hun. Os nad ydych chi’n mewngofnodi i'r wefan, ni fyddwn yn casglu unrhyw wybodaeth bersonol sy’n dweud pwy ydych chi'n benodol. Fodd bynnag, mae’n bosibl y byddwn yn casglu gwybodaeth am eich sesiwn bori yn unol â’n polisi cwcis isod (gweler Cwcis).

5. Yr wybodaeth bersonol rydyn ni’n ei chasglu gennych chi

Gan ddibynnu sut rydych chi’n rhyngweithio â ni, mae’n bosibl y byddwn ni'n casglu’r wybodaeth ganlynol amdanoch chi:

Gwybodaeth rydych chi’n ei rhoi i ni. Mae’n bosibl y byddwch chi’n rhoi gwybodaeth i ni amdanoch drwy gofrestru ar y wefan, drwy lenwi ffurflen ar-lein, drwy gofrestru ar gyfer digwyddiad, drwy gysylltu â ni dros y ffôn neu ar e-bost, neu drwy ryngweithio â ni fel arall. Efallai y byddwch chi am uwchlwytho gwybodaeth, llunio tudalen broffil sy'n bersonol i chi a rhannu gwybodaeth â phobl eraill.
Cofiwch y byddwn yn gofyn i chi ddarparu gwybodaeth bersonol ychwanegol weithiau. Pan fyddwn ni'n gwneud hyn, byddwn yn esbonio pam rydyn ni’n casglu eich gwybodaeth a sut y byddwn yn ei defnyddio.
Gwybodaeth y byddwn ni’n ei chasglu amdanoch chi yn awtomatig. Rydyn ni'n caglu gwybodaeth benodol yn awtomatig wrth i chi ymweld â'n gwefan. Gall hyn gynnwys gwybodaeth dechnegol, er enghraifft, y cyfeiriad Protocol Rhyngrwyd (IP) sy'n cael ei ddefnyddio i gysylltu eich cyfrifiadur chi â'r rhyngrwyd, eich gwybodaeth mewngofnodi, y math o borwr sydd gennych chi, a pha fersiwn ohono, eich gosodiad cylchfa amser, y math o ategyn pori sydd gennych, a pha fersiwn ohono, eich systemau gweithredu a'ch platfform.

Gweler Cwcis.

6. Sut rydyn ni'n defnyddio’ch gwybodaeth bersonol

Rydyn ni’n casglu, yn storio ac yn defnyddio gwybodaeth amdanoch chi er mwyn gallu rhoi mynediad i’n gwefan i chi, ac er mwyn i chi allu mwynhau'r gwasanaethau rydyn ni’n eu cynnig drwy ein gwefan ac elwa arnynt. Mae’r ffordd y byddwn ni’n defnyddio eich gwybodaeth yn dibynnu ar ein rhesymau dros gasglu’r wybodaeth.

Os oes gennych chi hawl i weld adrannau diogel y wefan, caiff eich gwybodaeth bersonol ei defnyddio i greu manylion mewngofnodi unigryw. Bydd hyn yn golygu y byddwch yn gallu cael mynediad i'r wefan ac yn gallu dilysu pob sesiwn bori.

Er mwyn sefydlu manylion mewngofnodi unigryw ar eich cyfer, a dilysu eich sesiynau pori, efallai y bydd gwybodaeth amdanoch yn cael ei datgelu i’n contractwyr, gan gynnwys CDSM Interactive Solutions Limited a Microsoft Corporation. Dim ond er mwyn i chi allu mewngofnodi a dilysu eich sesiynau pori y caiff yr wybodaeth hon ei defnyddio.

Mae’n bosibl y byddwn ni’n defnyddio gwybodaeth sydd gennym amdanoch yn y ffyrdd canlynol hefyd:

i gadarnhau pwy ydych chi
i ddarparu ein gwasanaethau, ein gweithgareddau neu ein cynnwys ar-lein
i gyfathrebu â chi
i roi gwybod i chi am unrhyw newidiadau i’r wefan
i ddiweddaru a chywiro ein cofnodion defnyddwyr
i gynnal dadansoddiadau o ystadegau ac o’r farchnad, gan gynnwys ymarferion meincnodi, i’ch deall chi’n well ac i wella ein gwasanaethau
i ddatblygu, i brofi ac i wella ein systemau
i sicrhau bod cynnwys ein gwefannau yn cael ei gyflwyno yn y ffordd fwyaf effeithiol i chi ac i’ch cyfrifiadur
i weinyddu ein gwefan ac ar gyfer gweithrediadau mewnol, gan gynnwys datrys problemau, dadansoddi data, profi, ymchwilio yn ogystal ag at ddibenion ystadegol ac arolygon
i reoli archebion ar gyfer digwyddiadau rydych chi’n eu gwneud drwy’r wefan

7. Rhannu eich gwybodaeth

Mae cadw eich gwybodaeth yn ddiogel yn fater o bwys allweddol i ni. Ni fyddwn yn gwerthu eich gwybodaeth i unrhyw drydydd parti, ond mewn rhai amgylchiadau cyfyngedig penodol ac yn unol â'r polisi preifatrwydd hwn, gallwn ddatgelu eich gwybodaeth bersonol i'r canlynol:

Trydydd parti os oes dyletswydd arnom i ddatgelu neu rannu eich data personol er mwyn cydymffurfio ag unrhyw rwymedigaeth gyfreithiol, er mwyn gorfodi neu weithredu ein telerau ac amodau a chytundebau eraill, er mwyn amddiffyn hawliau, eiddo neu ddiogelwch Llywodraeth Cymru neu eraill, neu er mwyn atal neu ymchwilio i drosedd;
I gael cyngor proffesiynol; a/neu
I drydydd parti gyda’ch caniatâd. Mewn amgylchiadau o'r fath, cewch ddewis a fyddwn yn datgelu’r wybodaeth amdanoch ai peidio.

Weithiau rydyn ni’n defnyddio trydydd partïon i brosesu eich gwybodaeth ar ein rhan, er enghraifft, i ddarparu gwasanaethau i ni. Ni fyddwn ni’n gwneud hynny oni bai fod gennym ni gontractau priodol yn eu lle i wneud yn siŵr bod eich gwybodaeth yn cael ei chadw’n ddiogel. Mae’r trydydd partïon yn cynnwys:

CDSM Interactive Solutions Ltd – platfform Hwb

Os ydych chi’n cofrestru ar gyfer digwyddiad, byddwn ni’n rhannu eich gwybodaeth bersonol â threfnydd y digwyddiad (gweler adran 8 isod) ac â SmartSurvey Limited, sef contractwr sy'n darparu'r gwasanaeth hwn ar ein rhan.

Mae’n bosibl y byddwn ni’n trosglwyddo'r wybodaeth bersonol rydyn ni’n ei chasglu amdanoch er mwyn ei chadw mewn lleoliad y tu allan i’r Ardal Economaidd Ewropeaidd (EEA). Mae'n bosibl y bydd staff sy'n gweithio i ni neu i un o'n cyflenwyr y tu allan i'r EEA hefyd yn ei phrosesu. Er mwyn gwneud yn siŵr bod eich gwybodaeth bersonol yn ddiogel, rydyn ni wedi gosod y mesurau diogelwch a'r dulliau diogelu cytundebol priodol, gan gynnwys amgryptio, i sicrhau bod y sefydliadau hynny'n trin eich gwybodaeth mewn ffordd sy'n gyson â chyfreithiau diogelu data yr UE a'r DU.

8. Gwasanaeth archebu cyrsiau/digwyddiadau

Mae ein gwefan yn darparu gwasanaeth archebu ar gyfer cyrsiau/digwyddiadau sydd wedi’i greu ac yn cael ei reoli gennym ni. Caiff y gwasanaeth archebu hwn ei weithredu ar ein rhan gan CDSM Interactive Solutions Limited a SmartSurvey Limited.

Os ydych chi am gadw lle ar gwrs/digwyddiad, bydd yn rhaid i chi ddarparu eich manylion personol.

Bydd eich manylion personol yn cael eu rhannu â threfnydd y cwrs/digwyddiad er mwyn iddo allu rheoli eich cais. Bydd trefnydd y cwrs/digwyddiad yn gyfrifol am drin eich gwybodaeth yn unol â gofynion diogelu data.

9. Diogelu a storio eich gwybodaeth bersonol

Rydyn ni wedi ceisio creu gwefan ddiogel a dibynadwy i chi. Rydyn ni wedi sefydlu mesurau diogelu technegol a threfniadol priodol, o gofio natur yr wybodaeth. Byddwn yn cymryd y camau angenrheidiol rhesymol i sicrhau bod eich data'n cael ei drin yn ddiogel ac yn unol â'r polisi preifatrwydd hwn.

Dylech nodi, fodd bynnag, fod ymholiadau ar ffurf e-bost yn cael eu trawsyrru mewn ffyrdd anniogel, ac yn cael eu storio all-lein. Rydych yn cydnabod eich bod yn defnyddio’r rhyngrwyd a’r wefan yn gyfan gwbl ar eich risg eich hun. Nid ydym yn derbyn unrhyw gyfrifoldeb nac atebolrwydd am ddiogelwch gwybodaeth bersonol a drawsyrrir drwy gyfrwng y rhyngrwyd.

Byddwn yn storio eich gwybodaeth yn unol â pholisi cofnodion Llywodraeth Cymru.

10. Cau eich cyfrif ar y wefan

Os nad oes gweithgarwch yn eich cyfrif ar ein gwefan am fwy na 13 mis, gallem ei gau yn awtomatig. Os ydych chi am gau eich cyfrif, anfonwch e-bost i academiwales@llyw.cymru.

11. Dolenni i wefannau eraill

Mae ein gwefan yn cynnwys dolenni i wefannau eraill sydd y tu hwnt i’n rheolaeth ni. Dylech nodi y gallai’r gwefannau trydydd parti sydd â dolen i’n gwefan ni neu ohoni fod yn gweithredu polisïau preifatrwydd gwahanol i’r polisïau a nodir yma.

12. Mynediad at wybodaeth

Mae'r Rheoliad Cyffredinol ar Ddiogelu Data yn rhoi'r hawl i chi weld yr wybodaeth sydd gennym amdanoch. Ar gyfer ceisiadau am wybodaeth o dan y GDPR, cysylltwch â DataProtectionOfficer@llyw.cymru.

Hysbysiad Preifatrwydd Rhaglen Graddedigion Gwasanaethau Cyhoeddus Cymru Gyfan

Hysbysiad Preifatrwydd Rhaglen Graddedigion Gwasanaethau Cyhoeddus Cymru Gyfan Rhan 1 - Recriwtio

Diweddarwyd 3 Mawrth 2021

Cyflwyniad

Mae Academi Wales (y cyfeirir ati fel 'ni') yn rhan o Lywodraeth Cymru. Mae'r hysbysiad preifatrwydd hwn yn esbonio sut rydym yn defnyddio unrhyw wybodaeth bersonol rydym yn ei chasglu amdanoch.

Rydym yn cymryd eich preifatrwydd o ddifrif a byddwn ond yn defnyddio eich gwybodaeth bersonol i weinyddu eich cais i Raglen Graddedigion Gwasanaethau Cyhoeddus Cymru Gyfan. Llywodraeth Cymru fydd y rheolwr data ar gyfer eich gwybodaeth a byddwn yn ei phrosesu yn unol â'n tasg gyhoeddus a'r awdurdod swyddogol a freiniwyd ynom. Dim ond at ddiben symud eich cais yn ei flaen y defnyddir yr holl wybodaeth a roddwch yn ystod y broses recriwtio, neu i fodloni gofynion cyfreithiol neu reoleiddiol os oes angen.

Byddwn yn rheoli eich gwybodaeth bersonol yn unol â deddfwriaeth diogelu data gyfredol, gan gynnwys Rheoliad Diogelu Data Cyffredinol y DU (GDPR y DU) a byddwn yn sicrhau bod ein partneriaid a'n proseswyr yn ymdrin â'ch gwybodaeth i'r un safonau.

Proseswyr trydydd parti sydd â mynediad i'ch gwybodaeth yw:

Darparwr gwefan swyddi gwag – byddant yn cynnal y swydd wag a byddant yn cofnodi eich cynnydd drwy gydol y broses recriwtio
Darparwr prawf ar-lein – byddant yn darparu gweithgaredd prawf ar-lein, ac yn datrys unrhyw ymholiadau technegol a allai fod gennych
Canolfan asesu a darparwr cyfweliadau – byddant yn rheoli'r gweithgareddau asesu rhithwir, ac yn datrys unrhyw ymholiadau a allai fod gennych
Bydd aseswyr yn dod o ddarparwr y ganolfan asesu a sefydliadau gwasanaeth cyhoeddus a'r trydydd sector sy'n cymryd rhan yn y rhaglen. Bydd aseswyr yn cefnogi'r canolfannau asesu a'r cyfweliadau, a byddant yn rhoi adborth i ni ar eich cynnydd.

Mae rhywfaint o'r data personol yn ddewisol (er enghraifft, gwybodaeth am gyfle cyfartal a gofynion hygyrchedd) a chaiff ei gasglu gyda'ch caniatâd. Bydd y wybodaeth hygyrchedd yn cael ei rhannu gyda'n proseswyr pan fo angen i sicrhau eu bod nhw a ni yn gallu gwneud unrhyw addasiadau rhesymol sydd eu hangen i'ch cefnogi drwy gydol y camau recriwtio.

Bydd unrhyw wybodaeth cyfle cyfartal a ddarparwch yn cael ei defnyddio i gynhyrchu a monitro ystadegau cyfle cyfartal yn unig. Ni fydd ar gael i unrhyw staff y tu allan i'n tîm recriwtio, gan gynnwys rheolwyr llogi, mewn ffordd a all eich adnabod.

Os hoffech i ni newid neu ddileu'r manylion dewisol hyn, cysylltwch â ni ar GraddedigionCymruGyfan@llyw.cymru.

Os byddwn yn gwneud cynnig cyflogaeth amodol, byddwn yn gofyn i chi am wybodaeth fel y gallwn gynnal gwiriadau cyn cyflogi. Rhaid i chi gwblhau gwiriadau cyn cyflogi yn llwyddiannus i symud ymlaen i gynnig cyflogaeth terfynol, gyda Llywodraeth Cymru.

Os byddwn yn gwneud cynnig cyflogaeth terfynol, byddwn hefyd yn gofyn i chi am ragor o wybodaeth unwaith y byddwch wedi derbyn y cynnig, megis manylion banc.

Bydd yr holl wybodaeth a ddarperir yn ystod y broses recriwtio yn cael ei chadw yn unol â'r meini prawf a nodir yn amserlen cadw Llywodraeth Cymru. Efallai y bydd yn ofynnol i ni ddatgelu eich gwybodaeth bersonol os oes dyletswydd arnom i ddatgelu neu rannu eich data personol er mwyn cydymffurfio ag unrhyw rwymedigaeth gyfreithiol, ymchwilio neu atal trosedd, gorfodi neu gymhwyso ein telerau ac amodau a chytundebau eraill neu ddiogelu hawliau, eiddo neu ddiogelwch Llywodraeth Cymru neu eraill.

Rydym hefyd yn casglu gwybodaeth am ddefnydd gwefannau gan ddefnyddio cwcis. Gweler ein polisi cwcis am fwy o wybodaeth.

Storio eich gwybodaeth

Byddwn yn storio eich gwybodaeth yn unol â pholisi cofnodion Llywodraeth Cymru.

Os byddwch yn cael lle ar y rhaglen, byddwch yn cael eich cyflogi gan Lywodraeth Cymru ar gontract cyfnod penodol. Bydd eich gwybodaeth bersonol yn cael ei rheoli o dan delerau ac amodau safonol Llywodraeth Cymru ar gyfer cyflogeion.

Os byddwn yn cynnig lle i chi ar restr wrth gefn, byddwn yn cadw eich gwybodaeth am flwyddyn ar ôl diwedd y broses recriwtio.

Os na fydd eich cais yn llwyddiannus, byddwn yn cadw eich gwybodaeth am flwyddyn ar ôl diwedd y broses recriwtio.

Eich hawliau

O dan ddeddfwriaeth diogelu data, mae gennych yr hawl:

i gael gwybod am y data personol sydd gan Lywodraeth Cymru amdanoch chi ac i gael gafael arno
ei gwneud yn ofynnol i ni gywiro gwallau yn y data hwnnw
(o dan amgylchiadau penodol) i wrthwynebu neu gyfyngu ar brosesu
i'ch data (mewn rhai amgylchiadau) gael ei 'ddileu'
(mewn rhai amgylchiadau) i hygludedd data
i gyflwyno cwyn i Swyddfa'r Comisiynydd Gwybodaeth (ICO) sy'n rheoleiddiwr annibynnol ar gyfer diogelu data

Cysylltwch â ni

Am geisiadau am wybodaeth o dan GDPR y DU, cysylltwch â DataProtectionOfficer@llyw.cymru.

Os oes gennych bryderon am y ffordd rydym yn ymdrin â'ch gwybodaeth, gallwch gysylltu â Swyddfa'r Comisiynydd Gwybodaeth ico.org.uk/make-a-complaint/.

Os oes angen rhagor o wybodaeth arnoch, anfonwch e-bost atom ar academiwales@llyw.cymru neu ysgrifennu atom yn Academi Wales, Llywodraeth Cymru, Parc Cathays, Caerdydd CF10 3NQ.

Hysbysiad Preifatrwydd Rhaglen Graddedigion Gwasanaeth Cyhoeddus Cymru Gyfan Rhan 2 – Rheoli Rhaglenni

Diweddarwyd 13 Rhagfyr 2021

Mae Academi Wales (y cyfeirir ato fel ‘ni’) yn rhan o Lywodraeth Cymru. Mae'r hysbysiad preifatrwydd hwn yn esbonio sut rydyn ni'n defnyddio unrhyw wybodaeth bersonol rydyn ni'n ei chasglu amdanoch chi. Mae mwy o fanylion ar gael yn yr adran canllawiau rhaglen isod. Mae'r hysbysiad preifatrwydd hwn yn defnyddio'r sail gyfreithiol contract o dan GDPR y DU.

Cyflogaeth

Fel person graddedig ar Raglen Graddedigion Gwasanaeth Cyhoeddus Cymru Gyfan cewch eich cyflogi gan Lywodraeth Cymru, a byddwn yn prosesu eich gwybodaeth yn ôl yr angen i gyflawni gweithgareddau sy'n gysylltiedig â'ch contract cyflogaeth tymor penodol. Bydd eich gwybodaeth bersonol yn cael ei phrosesu a'i rheoli o dan delerau ac amodau safonol Llywodraeth Cymru ar gyfer cyflogeion, fel y nodir yn hysbysiad preifatrwydd AD Llywodraeth Cymru. Llywodraeth Cymru fydd y rheolwr ar gyfer eich data personol.

Byddwn yn rheoli eich gwybodaeth bersonol yn unol â deddfwriaeth gyfredol ar ddiogelu data, gan gynnwys Rheoliad Cyffredinol y DU ar Ddiogelu Data (GDPR y DU) a byddwn yn sicrhau bod ein partneriaid a'n proseswyr yn trin eich gwybodaeth i'r un safonau.

Pan fydd angen rhannu neu brosesu data personol ar gyfer rheoli'r rhaglen, bydd yn gymesur ac yn berthnasol yn ôl yr angen a lle bo hynny'n berthnasol, bydd yn cael ei lywodraethu gan gytundebau rhannu data a/neu delerau ac amodau contract Llywodraeth Cymru.

Byddwn yn storio eich gwybodaeth yn unol â pholisi cofnodion Llywodraeth Cymru.

Secondiadau

Yn ystod y rhaglen cewch eich rhoi ar secondiad(au) gyda sefydliad(au) sy’n lletya. Bydd y sefydliad sy’n lletya yn gweithredu fel rheolydd data ar gyfer eich lleoliad. Byddwch yn ddarostyngedig i hysbysiadau preifatrwydd a pholisïau rheoli cofnodion y sefydliad sy’n lletya.

Byddwn yn trefnu cytundebau rhannu data a secondiad gyda phob sefydliad sy’n llety i nodi'r ffyrdd y gellir prosesu eich data personol, gan gynnwys storio eich gwybodaeth. Bydd manylion y trefniadau rhannu data yn cael eu diffinio yn y cytundebau.

Byddwn yn casglu data personol fel data rheoli perfformiad, absenoldeb salwch, a gwybodaeth am wyliau blynyddol fel rhan o'n rhwymedigaethau o dan gontract cyflogaeth Llywodraeth Cymru. Bydd hyn yn gofyn am rannu data personol rhwng sefydliadau sy’n lletya a Llywodraeth Cymru, fel y'i llywodraethir gan gytundebau rhannu data a secondiad.

Gweithgareddau dysgu a datblygu Academi Wales

Byddwn yn rheoli eich gweithgareddau dysgu a datblygu yn unol â'n prif hysbysiad preifatrwydd.

Gweinidogion

Byddwn yn rhannu eich enw, sefydliad(au) sy’n lletya, gwybodaeth clwstwr a rhanbarth gyda Gweinidogion Cymru, i'w briffio ar ddechrau'r rhaglen, a hefyd tra bo'r rhaglen ar y gweill.

Eich hawliau

O dan ddeddfwriaeth diogelu data, mae gennych yr hawl:

cael gwybod am y data personol sydd gan Lywodraeth Cymru amdanoch chi a'i gyrchu
ei gwneud yn ofynnol i ni gywiro gwallau yn y data hwnnw
gwrthwynebu neu gyfyngu ar brosesu (mewn rhai amgylchiadau)
bod eich data yn cael ei ‘ddileu’ (mewn rhai amgylchiadau)
i hygludedd data (mewn rhai amgylchiadau)
i gyflwyno cwyn i Swyddfa’r Comisiynydd Gwybodaeth (SCG), sef ein rheoleiddiwr annibynnol ar gyfer diogelu data

Cysylltu â ni

Am geisiadau am wybodaeth o dan GDPR y DU, cysylltwch â DataProtectionOfficer@llyw.cymru.
Os oes gennych bryderon ynghylch y ffordd yr ydym yn trin eich gwybodaeth, gallwch gysylltu â Swyddfa'r Comisiynydd Gwybodaeth ico.org.uk/make-a-complaint/.
Os oes angen unrhyw wybodaeth bellach arnoch, anfonwch e-bost atom yn academiwales@llyw.cymru neu ysgrifennwch atom yn Academi Wales, Llywodraeth Cymru, Parc Cathays, Caerdydd CF10 3NQ.

Rhaglen Graddedigion Gwasanaeth Cyhoeddus Cymru Gyfan - Canllaw i’r Rhaglen

Diweddarwyd 13 Rhagfyr 2021

Mae Academi Wales (y cyfeirir ato fel ‘ni’ neu ‘ein’) yn rhan o Lywodraeth Cymru. Mae'r canllaw hwn yn ategu hysbysiad preifatrwydd Rhaglen Graddedigion Gwasanaeth Cyhoeddus Cymru Gyfan rhan 2 (y cyfeirir ati fel 'y rhaglen'). Mae'r canllaw hwn yn disgrifio'r berthynas rhyngoch chi, Llywodraeth Cymru, eich sefydliadau sy’n lletya a'r ymyriadau datblygu a drefnir fel rhan o'r rhaglen, ac yn darparu mwy o fanylion ar sut rydyn ni'n defnyddio unrhyw wybodaeth bersonol rydyn ni'n ei chasglu amdanoch chi.

Secondiadau

Fel person graddedig ar Raglen Graddedigion Gwasanaeth Cyhoeddus Cymru Gyfan cewch eich cyflogi gan Lywodraeth Cymru ar gontract cyflogaeth tymor penodol. Fodd bynnag, yn ystod y rhaglen cewch eich rhoi ar secondiad(au) gyda sefydliad(au) sy’n lletya.

Bydd pob sefydliad sy’n lletya yn aseinio arweinydd graddedigion ac arweinydd cyllid ar gyfer y rhaglen yn ogystal â rheolwr llinell i chi yn y sefydliad sy’n lletya. Byddwn yn disgwyl i'ch rheolwr llinell yn y sefydliad sy’n lletya a/neu'ch arweinydd graddedigion godi unrhyw faterion yn ymwneud â'r rhaglen gyda ni.

Bydd y sefydliad sy’n lletya yn aseinio mentor i'ch cefnogi yn ystod eich lleoliad. Bydd manylion eich trafodaethau yn parhau'n gyfrinachol. Yn amodol ar eich cytundeb, byddwn yn disgwyl iddynt godi unrhyw faterion yn ymwneud â'r rhaglen gyda ni.

Byddwn yn trefnu cytundeb secondiad sy'n cynnwys eich gwybodaeth. Bydd yn cael ei lofnodi gan Lywodraeth Cymru, pob sefydliad sy’n lletya yn eich lleoliad/clwstwr graddedig a chi. Bydd yn cynnwys cymalau penodol mewn perthynas â diogelu data. Bydd rhwymedigaethau'r sefydliadau sy’n lletya ynghylch rhannu data a phrosesu data personol yn cael eu cynnwys mewn cytundeb rhannu data.

Dysgu a datblygu

Cyn ac yn ystod y rhaglen, bydd nifer o ymyriadau i gefnogi eich dysgu a'ch datblygiad. Darperir y rhain yn gyffredinol gan ddarparwyr trydydd parti:

Darparwr(wyr) sefydlu - byddant yn darparu ymarferion adeiladu tîm addas a/neu leoliad/llety fel rhan o'ch cyfnod sefydlu ar y rhaglen. Byddwn yn comisiynu neu'n darparu darparwr(wyr) contract i ddarparu rhan o'r gwasanaeth hwn. Byddwn yn rhannu eich gwybodaeth bersonol berthnasol gyda nhw fel y gallant ddarparu'r gwasanaeth(au). Bydd eu telerau ac amodau cytundebol yn ymdrin â'u rhwymedigaeth ynghylch rhannu data a phrosesu data personol. Efallai y byddwn hefyd yn comisiynu hwyluswyr o fewn sefydliadau gwasanaeth cyhoeddus i gefnogi'r digwyddiad sefydlu. Os yw data personol i gael ei rannu gyda nhw, bydd hwyluswyr gwasanaethau cyhoeddus yn destun cytundeb rhannu data.
Darparwr e-ddysgu - byddant yn darparu cyrsiau dysgu ar-lein gorfodol y bydd angen i chi eu cwblhau. Byddwn yn rhannu eich gwybodaeth gyda'r darparwr(wyr) i reoli gweinyddiaeth eich lle gyda'r darparwr hwnnw.
Darparwr cymhwyster meistr - mae Prifysgol De Cymru wedi'i chontractio gennym ni i ddarparu'r cymhwyster Meistr y byddwch chi'n ei gwblhau yn ystod y rhaglen. Byddwn yn rhannu eich gwybodaeth bersonol berthnasol â nhw fel y gallant eich cofrestru a rheoli eich gwaith wrth gwblhau'r cymhwyster Meistr. Byddant yn rhannu eich presenoldeb, eich cynnydd a'ch canlyniadau gyda ni, gan gynnwys cwblhau'r cymhwyster yn llwyddiannus, i reoli'ch lle ar y rhaglen. Efallai y byddwn yn rhannu eich canlyniadau gyda'r sefydliadau sy’n lletya yn eich lleoliad/clwstwr graddedig, er mwyn rheoli eich cyfranogiad yn y rhaglen. Bydd rhwymedigaeth y Brifysgol ynghylch rhannu data a phrosesu data personol yn cael ei gwmpasu gan eu telerau ac amodau cytundebol gyda ni.
Coetswyr - cânt eu penodi gennym ni o'n rhwydwaith coetsio. Byddant yn eich coetsio ac yn cefnogi'ch cynnydd yn ystod y rhaglen. Byddwn yn rhannu eich enw a'ch manylion cyswllt gyda'r coetsiwr i'w galluogi i'ch coetsio.Bydd manylion eich trafodaethau yn parhau'n gyfrinachol. Yn amodol ar eich cytundeb, byddwn yn disgwyl iddynt godi unrhyw faterion yn ymwneud â'r rhaglen gyda ni.Bydd eu rhwymedigaethau ynghylch rhannu data a phrosesu data personol yn cael eu cynnwys mewn cytundeb rhannu data.
Bydis - byddant yn gyn-raddedigion ar y rhaglen sy'n gwirfoddoli i fod yn bwynt cyswllt i'ch helpu chi i ymgartrefu yn y rhaglen, gan ddefnyddio eu profiad o fod ar y rhaglen. Byddwn yn rhannu eich enw a'ch manylion cyswllt i'w galluogi i gysylltu â chi.
Darparwr(wyr) diagnostig - os ydych chi'n gofyn ac yn cytuno i gymryd rhan mewn diagnosteg datblygiad personol fel rhan o'r rhaglen, byddwn yn rhannu eich manylion cyswllt â darparwr achrededig y diagnosteg. Byddant yn rhoi adborth i chi i gefnogi eich datblygiad personol. Byddwn yn sicrhau ein bod yn defnyddio ymarferwyr achrededig i roi adborth i chi ar gyfer unrhyw ddiagnosteg drwyddedig. Bydd eu rhwymedigaeth ynghylch prosesu data personol yn cael ei gwmpasu gan eu telerau ac amodau cytundebol, y byddwn yn craffu arnynt i sicrhau eu bod yn cydymffurfio â GDPR y DU.
Darparwr(wyr) set dysgu gweithredol – byddant yn cefnogi'ch datblygiad trwy gydol y rhaglen. Gellir trefnu hyn naill ai trwy gontract masnachol neu drwy hwylusydd gwasanaeth cyhoeddus sy'n bodoli eisoes. Ar gyfer contract masnachol, byddwn yn rhannu eich manylion cyswllt â darparwr achrededig y set dysgu gweithredol. Bydd eu rhwymedigaeth ynghylch prosesu data personol yn cael ei gwmpasu gan eu telerau ac amodau cytundebol, y byddwn yn craffu arnynt i sicrhau eu bod yn cydymffurfio â GDPR y DU. Bydd hwyluswyr gwasanaeth cyhoeddus yn destun cytundeb rhannu data os yw data personol i gael ei rannu gyda nhw.
Gwerthuso - os yw contractwr wedi'i gontractio i werthuso'r rhaglen, byddwn yn rhannu eich enw a'ch manylion cyswllt fel y gallwch gyfrannu eich barn at y gwerthusiad, i'n galluogi i wella prosesau a gweithgareddau'r rhaglen. Bydd eu telerau ac amodau cytundebol yn ymdrin â'u hymglymiad ynghylch rhannu data a phrosesu data personol.
Darparwyr eraill - wrth i'r rhaglen esblygu, gallwn gontractio neu drefnu darparwyr eraill i gyflawni elfennau ohoni. Pan fydd angen rhannu neu brosesu data personol ar gyfer cyflawni'r contract hwnnw, bydd yn gymesur ac yn berthnasol yn ôl yr angen, a bydd yn cael ei lywodraethu gan naill ai ein telerau ac amodau contract neu gytundeb rhannu data, pa un bynnag sy'n briodol.

Hysbysiad Preifatrwydd Rhaglen Darpar Aelodau Bwrdd

Hysbysiad Preifatrwydd Rhaglen Darpar Aelodau Bwrdd Rhan 1 – Cais ac Asesiad Cefndir

Diweddarwyd 24 Mawrth 2025

Cefndir

Mae Academi Wales yn rhan o Lywodraeth Cymru (cyfeirir ato fel 'ni'). Mae'r hysbysiad preifatrwydd hwn yn esbonio sut rydym yn defnyddio unrhyw wybodaeth bersonol a gasglwn amdanoch.

Trwy wneud cais, rydych yn cadarnhau eich bod yn dymuno cael eich ystyried ar gyfer Rhaglen Darpar Aelodau Bwrdd.

Mae Rhaglen Darpar Aelodau Bwrdd yn rhaglen hyfforddi datblygu arweinyddiaeth 12 mis, sy'n cynnwys dysgu, coetsio a nawdd, a lleoliad bwrdd anweithredol di-dâl gyda bwrdd cynnal un o gyrff y GIG yng Nghymru. Y bwriad yw recriwtio 13-26 o unigolion i'r rhaglen. Mae’r byrddau cynnal i gyd yn gyrff iechyd yng Nghymru, a Llais. Mae’r rhaglen yn un Cymru gyfan. Mae hon yn rhaglen bartneriaeth rhwng y GIG, Llywodraeth Cymru, ac Academi Wales. Mae'r Rhaglen yn ymrwymiad o fewn Cynllun Gweithredu Cymru Wrth-hiliol.

Ar ôl derbyn eich gwybodaeth fel rhan o'r broses ymgeisio ac asesu, Llywodraeth Cymru yw'r rheolydd data ar ei chyfer, a byddwn yn ei phrosesu yn unol â'n tasg gyhoeddus a'r awdurdod swyddogol a freiniwyd ynom. Bydd yr holl wybodaeth a roddwch yn ystod y broses recriwtio ond yn cael ei defnyddio at ddibenion symud ymlaen â'ch cais, neu i gyflawni gofynion cyfreithiol neu reoleiddiol os oes angen.

Mae gwybodaeth bersonol a chategori arbennig a gesglir ac a gedwir yn cynnwys:

manylion personol fel enw, cyfeiriad a manylion cyswllt
Gwybodaeth am nodweddion gwarchodedig
Gwybodaeth am ddewisiadau iaith Gymraeg
Gofynion hygyrchedd i gefnogi'r broses ymgeisio ac asesu
Bydd angen dogfennaeth adnabod dim ond os cewch eich gwahodd i’r diwrnod asesu yn swyddfeydd Llywodraeth Cymru.

Beth ydym ni'n ei wneud gyda'ch gwybodaeth?

Yn ein cylch gwaith fel y rheolwr data, mae Llywodraeth Cymru’n defnyddio'r wybodaeth a dderbynnir at y dibenion isod. Mae'r dibenion hyn yn angenrheidiol i'n galluogi i gyflawni ein tasg gyhoeddus ac wrth arfer ein hawdurdod swyddogol.

Rydym yn bwriadu defnyddio'ch data i asesu eich addasrwydd i gymryd rhan yn Rhaglen Darpar Aelodau Bwrdd. Rydym yn casglu data amrywiaeth gan ddysgwyr a siaradwyr i asesu ein hystadegau amrywiaeth a chynhwysiant ein hunain. Efallai y byddwn hefyd yn defnyddio eich manylion cyswllt (enw, e-bost a rhif ffôn) i gysylltu â chi i gymryd rhan mewn ymchwil i adeiladu ein sylfaen dystiolaeth ar ein strategaeth a'n heffaith ar arweinyddiaeth gwasanaethau cyhoeddus. Mae cymryd rhan mewn gweithgareddau ymchwil bob amser yn wirfoddol.

Dibenion eraill y defnyddir eich data ar eu cyfer:

1. Dibenion ystadegol ac ymchwil (a wneir mewn ffordd sy'n sicrhau na ellir adnabod unigolion):

i hysbysu, dylanwadu a gwella ein rhaglen o gyfleoedd arwain y sector cyhoeddus;
i fonitro a thargedu cyllid yn effeithiol;
i fonitro perfformiad y rhaglen;
i lywio'r gwaith o weithredu Cynllun Gweithredu Cymru Wrth-hiliol yn ehangach;

2. Dibenion cyhoeddi (a wneir mewn ffordd sy'n sicrhau na ellir adnabod unigolion):

Cynhyrchu adroddiad gwerthuso'r rhaglen
Cyhoeddi gwybodaeth sy'n cofnodi effaith a chynnydd cyflawni Cynllun Gweithredu Cymru Wrth-hiliol

Gyda phwy rydym yn rhannu eich gwybodaeth?

Partneriaeth Cydwasanaethau GIG Cymru – bydd asesydd o Bartneriaeth Cydwasanaethau GIG Cymru yn cefnogi'r ganolfan asesu a'r cyfweliad.
Gwasanaethau diogelwch Llywodraeth Cymru, os byddwch yn mynychu'r diwrnod asesu yn Llywodraeth Cymru.

Gofynnir i chi gadarnhau eich bod yn bodloni'r meini prawf cymhwysedd, sy'n cynnwys ticio eich bod yn "nodi eich bod o gefndir Du, Asiaidd neu Ethnig Leiafrifol, gan gynnwys Sipsiwn, Roma a Theithwyr". Mae hwn yn gwestiwn sgrinio allweddol ar gyfer y rhaglen ac felly bydd yn gysylltiedig â'ch cais. Mae'r holl wybodaeth cyfle cyfartal arall yn y cais yn ddewisol (gan gynnwys manylion penodol eich cefndir ethnig) a chaiff ei chasglu gyda'ch caniatâd.

Bydd unrhyw wybodaeth cyfle cyfartal a roddwch yn cael ei defnyddio i gynhyrchu a monitro ystadegau cyfle cyfartal yn unig. Ni fydd ar gael i unrhyw staff y tu allan i'n tîm recriwtio mewn ffordd a all eich adnabod.

Am ba hyd y byddwn yn cadw eich gwybodaeth?

Byddwn yn storio eich gwybodaeth yn unol â pholisi cofnodion Llywodraeth Cymru. Bydd yr holl wybodaeth a roddir yn ystod y broses recriwtio yn cael ei chadw yn unol â'r meini prawf a nodir yn amserlen cadw Llywodraeth Cymru. Mae hyn fel a ganlyn:

Os byddwch yn mynychu diwrnod asesu, bydd y data a gesglir gennych chi fel ymwelydd ag eiddo Llywodraeth Cymru yn cael ei gadw am flwyddyn ar ôl eich ymweliad yn unol â pholisïau Llywodraeth Cymru.
Os cewch le ar y rhaglen, bydd eich gwybodaeth bersonol yn cael ei rheoli yn unol â Pholisi Preifatrwydd Academi Wales a Pholisi Preifatrwydd y Rhaglen a fydd yn cael ei rannu gyda chi. Byddwn yn cadw eich data am gyfnod y rhaglen(12 mis o fis Mai 2025) a 13 mis. Efallai y cysylltir â chi i gymryd rhan mewn ymchwil i adeiladu ein sylfaen dystiolaeth ar ein strategaeth a'n heffaith ar arweinyddiaeth gwasanaethau cyhoeddus. Mae cymryd rhan mewn gweithgareddau ymchwil bob amser yn wirfoddol.
Os nad yw eich cais yn llwyddiannus, bydd eich gwybodaeth bersonol yn cael ei rheoli yn unol â Pholisi Preifatrwydd Academi Wales. Bydd eich gwybodaeth yn cael ei chadw am flwyddyn ar ôl diwedd y broses recriwtio. Efallai y cysylltir â chi i gymryd rhan mewn ymchwil i adeiladu ein sylfaen dystiolaeth ar ein strategaeth a'n heffaith ar arweinyddiaeth gwasanaethau cyhoeddus. Mae cymryd rhan mewn gweithgareddau ymchwil bob amser yn wirfoddol.

Efallai y bydd gofyn i ni ddatgelu eich gwybodaeth bersonol os ydym o dan ddyletswydd i ddatgelu neu rannu eich data personol i gydymffurfio ag unrhyw rwymedigaeth gyfreithiol, i ymchwilio neu atal trosedd, i orfodi neu gymhwyso ein telerau ac amodau a chytundebau eraill neu i amddiffyn hawliau, eiddo neu ddiogelwch Llywodraeth Cymru neu eraill.

Rydym hefyd yn casglu gwybodaeth am ddefnydd o’r wefan gan ddefnyddio cwcis. Edrychwch ar ein polisi cwcis am fwy o wybodaeth.

Eich hawliau mewn perthynas â'ch gwybodaeth

Mae gennych hawl i

fynediad at y data personol yr ydym yn ei brosesu amdanoch;
ei gwneud yn ofynnol i ni gywiro gwallau yn y data hwnnw;
wrthwynebu prosesu (mewn rhai amgylchiadau);
cael eich data wedi ei 'ddileu';
cyflwyno cwyn i Swyddfa'r Comisiynydd Gwybodaeth (ICO) sef ein rheoleiddiwr annibynnol ar gyfer diogelu data.

I gael rhagor o wybodaeth am yr wybodaeth sydd gan Lywodraeth Cymru a sut y caiff ei defnyddio, neu os ydych am arfer eich hawliau o dan y Rheoliad Cyffredinol ar Ddiogelu Data (GDPR), gweler y manylion cyswllt isod:

Monica Bason-Flaquer
Rheolwr Cyflawni’r Rhaglen
Parc Cathays
Caerdydd
CF10 3NQ
Ebost: HSCEYG.TimCydraddoldeb@llyw.cymru

Swyddog Diogelu Data
Llywodraeth Cymru
Parc Cathays
CAERDYDD
CF10 3NQ
E-bost: SwyddogDiogeluData@llyw.cymru

Y manylion cyswllt ar gyfer Swyddfa'r Comisiynydd Gwybodaeth yw:

Wycliffe House
Water Lane
Wilmslow
Cheshire
SK9 5AF

Ffôn: 01625 545 745 neu 0303 123 1113
Gwefan: cy.ico.org.uk

Hysbysiad Preifatrwydd Rhaglen Darpar Aelodau Bwrdd Rhan 2 – Rheoli Rhaglenni

Diweddarwyd 24 Mawrth 2025

Cefndir

Mae Academi Wales yn rhan o Lywodraeth Cymru (cyfeirir ato fel 'ni'). Mae'r hysbysiad preifatrwydd hwn yn esbonio sut rydym yn defnyddio unrhyw wybodaeth bersonol a gasglwn amdanoch.
Trwy wneud cais, rydych yn cadarnhau eich bod yn dymuno cael eich ystyried ar gyfer y Rhaglen Darpar Aelodau Bwrdd.

Mae’r Rhaglen Darpar Aelodau Bwrdd yn rhaglen hyfforddi 12 mis i ddatblygu arweinwyr, sy'n cynnwys drwy addysgu, coetsio a nawdd, a chael lleoliad bwrdd anweithredol di-dâl gyda bwrdd un o gyrff y GIG yng Nghymru. Y bwriad yw recriwtio 13-26 o unigolion i'r rhaglen. Mae’r byrddau sy’n cynnal y lleoliadau i gyd yn gyrff iechyd yng Nghymru, a Llais. Mae’r rhaglen yn un ar gyfer Cymru gyfan. Mae hon yn rhaglen bartneriaeth rhwng y GIG, Llywodraeth Cymru, ac Academi Wales. Mae'r Rhaglen yn ymrwymiad o fewn Cynllun Gweithredu Cymru Wrth-hiliol.

Ar ôl i ni dderbyn eich gwybodaeth fel rhan o’r broses i ymuno â’r rhaglen, daw Llywodraeth Cymru yn rheolydd data ar ei chyfer, a byddwn yn ei phrosesu yn unol â’n tasg gyhoeddus a’r awdurdod swyddogol a roddwyd i ni. Bydd yr holl wybodaeth a roddwch yn ystod y rhaglen ond yn cael ei defnyddio i’ch galluogi i gymryd rhan yn y rhaglen, neu i gyflawni gofynion cyfreithiol neu reoleiddiol os oes angen.

Mae’r wybodaeth bersonol a’r wybodaeth mewn categori arbennig a gesglir ac a gedwir yn cynnwys:

Manylion personol fel enw, dyddiad geni, cyfeiriad, a manylion cyswllt
Gwybodaeth am nodweddion gwarchodedig
Gwybodaeth am ddewisiadau iaith Gymraeg
Gofynion hygyrchedd a/neu addasiadau rhesymol i gefnogi eich cyfranogiad yn y rhaglen
Dogfennau adnabod i gefnogi eich presenoldeb mewn unrhyw ddigwyddiadau yn swyddfeydd Llywodraeth Cymru
Gwybodaeth pasbort (i gefnogi gwiriadau DBS)
Manylion cyfrif banc (i gefnogi talu treuliau)

Beth ydym ni'n ei wneud gyda'ch gwybodaeth?

Rydym yn bwriadu defnyddio'ch data i reoli eich cyfranogiad yn y Rhaglen Darpar Aelodau Bwrdd. Rydym yn casglu data amrywiaeth gan ddysgwyr a siaradwyr i asesu ein hystadegau amrywiaeth a chynhwysiant ein hunain. Efallai y byddwn hefyd yn defnyddio eich manylion cyswllt (enw, e-bost a rhif ffôn) i gysylltu â chi i gymryd rhan mewn ymchwil i adeiladu ein sylfaen dystiolaeth ar gyfer ein strategaeth a'n heffaith ar arweinyddiaeth mewn gwasanaethau cyhoeddus. Mae cymryd rhan mewn gweithgareddau ymchwil bob amser yn wirfoddol.

Dibenion eraill y defnyddir eich data ar eu cyfer:

Dibenion ystadegol ac ymchwil (a wneir mewn ffordd sy'n sicrhau na ellir adnabod unigolion):
- i gyfrannu gwybodaeth at ein rhaglen o gyfleoedd arwain y sector cyhoeddus, dylanwadu arni a’i gwella;
- i fonitro a thargedu cyllid yn effeithiol;
- i fonitro perfformiad y rhaglen;
- i gyfrannu gwybodaeth at y gwaith o weithredu Cynllun Gweithredu Cymru Wrth-hiliol yn ehangach;
Dibenion cyhoeddi (a wneir mewn ffordd sy'n sicrhau na ellir adnabod unigolion):
- Cynhyrchu adroddiad gwerthuso'r rhaglen
- Cyhoeddi gwybodaeth sy'n cofnodi effaith a chynnydd cyflawni Cynllun Gweithredu Cymru Wrth-hiliol

Gyda phwy rydym yn rhannu eich gwybodaeth?

Gwasanaethau diogelwch Llywodraeth Cymru - i gefnogi eich presenoldeb mewn unrhyw ddigwyddiad personol yn eiddo Llywodraeth Cymru
Partneriaeth Cydwasanaethau GIG Cymru – i gefnogi cwblhau'r broses DBS
Sefydliadau sy'n cynnig lleoliad – i gefnogi eich lleoliad bwrdd
Darparwyr coetsio annibynnol

Mae rhagor o wybodaeth am rannu data ar gyfer gwiriadau DBS a Lleoliadau Bwrdd ar gael isod.

Gwiriadau DBS

Os cynigir lle i chi ar y rhaglen, byddwn yn gofyn i chi am wybodaeth fel y gallwn gynnal gwiriad gan y Gwasanaeth Datgelu a Gwahardd. Rhaid i chi gwblhau gwiriad DBS yn llwyddiannus i ymgymryd â'ch lleoliad bwrdd fel rhan o'r rhaglen. Bydd proses y DBS yn cael ei rheoli gan Bartneriaeth Cydwasanaethau GIG Cymru. Er mwyn galluogi Partneriaeth Cydwasanaethau GIG Cymru, bydd Llywodraeth Cymru yn casglu'r wybodaeth ganlynol gennych chi:

Enw llawn
Cyfeiriad
Cyfeiriad e-bost
Dyddiad geni
Rhywedd
Meddu ar basbort cyfoes o'r DU neu Iwerddon (ydw neu nac ydw). Mae hyn yn penderfynu a ellir cwblhau eich gwiriadau adnabod yn ddigidol.

Bydd eich gwybodaeth bersonol yn cael ei phrosesu a'i rheoli gan Bartneriaeth Cydwasanaethau GIG Cymru yn unol â'u Hysbysiad Preifatrwydd Gwasanaethau Recriwtio.

Byddwn yn rheoli eich gwybodaeth bersonol yn unol â'r ddeddfwriaeth diogelu data gyfredol, gan gynnwys Rheoliad Diogelu Data Cyffredinol y DU (GDPR) a byddwn yn sicrhau bod ein partneriaid a'n proseswyr yn trin eich gwybodaeth i'r un safonau. Pan fo angen rhannu neu brosesu data personol ar gyfer rheoli'r rhaglen, bydd yn gymesur ac yn berthnasol yn ôl yr angen a lle bo'n berthnasol, bydd yn cael ei lywodraethu gan gytundebau rhannu data a/neu delerau ac amodau contract Llywodraeth Cymru.

Lleoliadau Bwrdd

Fel cyfranogwr ar y Rhaglen Darpar Aelodau Bwrdd, byddwch yn ymgymryd â lleoliad fel Aelod Annibynnol ar fwrdd corff iechyd. Lleoliad di-dâl yw hwn fel rhan o'r cyfle dysgu, ac ni fyddwch yn cael eich cyflogi gan Lywodraeth Cymru na'r sefydliad sy’n ei gynnal. Fel rhan o'r broses lleoliad bwrdd, bydd eich enw, eich cyfeiriad e-bost, dewisiadau iaith ac unrhyw addasiadau rhesymol sy'n ofynnol i gymryd rhan yn lleoliad y bwrdd yn cael eu rhannu gyda'r sefydliad. Rhestrir y sefydliadau sy’n cynnal lleoliadau isod; bydd eich data ond yn cael ei rannu gyda'r sefydliad yr ydych yn cwblhau eich lleoliad gyda nhw:

Bwrdd Iechyd Prifysgol Aneurin Bevan
Bwrdd Iechyd Prifysgol Betsi Cadwaladr
Bwrdd Iechyd Prifysgol Caerdydd a'r Fro
Bwrdd Iechyd Prifysgol Cwm Taf Morgannwg
Bwrdd Iechyd Prifysgol Hywel Dda
Bwrdd Iechyd Addysgu Powys
Bwrdd Iechyd Prifysgol Bae Abertawe
Ymddiriedolaeth GIG Prifysgol Felindre
Gwasanaethau Ambiwlans Cymru Ymddiriedolaeth GIG
Iechyd Cyhoeddus Cymru
Addysg a Gwella Iechyd Cymru (AaGIC)
Iechyd a Gofal Digidol Cymru
Llais

Gweithgareddau dysgu a datblygu

Byddwn yn rheoli eich gweithgareddau dysgu a datblygu yn unol â phrif hysbysiad preifatrwydd Academi Wales.

Bydd deunyddiau a chyfathrebiadau sy'n ymwneud â'r rhaglen yn cael eu rheoli a'u dosbarthu trwy blatfform Dysgu@Cymru. Bydd y platfform hwn hefyd yn rhoi mynediad i chi at gyfleoedd hyfforddi atodol. Mae Dysgu@Cymru yn cael ei redeg gan Bartneriaeth Cydwasanaethau GIG Cymru a byddwch yn hunan-gofrestru'n uniongyrchol i'r platfform, lle bydd eich data’n cael ei gadw'n ddiogel yn unol â hysbysiad preifatrwydd a gweithdrefnau diogelu data presennol y platfform.

Bydd costau teithio sy'n gysylltiedig â mynd i ddiwrnodau dysgu wyneb yn wyneb a gweithgareddau'r bwrdd yn cael eu had-dalu drwy bolisi Teithio a Chynhaliaeth Ymwelwyr Llywodraeth Cymru. Bydd hyn yn ei gwneud yn ofynnol i gyfranogwyr roi eu manylion cyfrif banc i dderbyn taliadau.

Coetsio

Byddwch yn cael coets gweithredol i roi cefnogaeth annibynnol ychwanegol i'ch arweinyddiaeth a'ch datblygiad personol. Bydd y coetswyr hyn yn cael eu comisiynu yn ôl fframwaith hyfforddi Academi Wales. Bydd eich enw, e-bost, dewisiadau iaith ac unrhyw ofynion hygyrchedd i gymryd rhan mewn coetsio yn cael eu rhannu â'ch coets yn unol â’r cytundebau rhannu data presennol. Bydd Llywodraeth Cymru yn cadw'r data yn unol â'n polisïau cadw ac yn ei ddinistrio yn unol â gofynion cadw data a’r dinistrio yn cael ei ymestyn i’r coetswyr.

Am ba hyd y byddwn yn cadw eich gwybodaeth?

Byddwn yn storio eich gwybodaeth yn unol â pholisi cofnodion Llywodraeth Cymru a byddwn yn ei chadw yn unol â'r meini prawf a nodir yn amserlen cadw Llywodraeth Cymru. Mae hyn fel a ganlyn:

Os byddwch yn ymweld â ni yn un o'n swyddfeydd, bydd angen i chi roi eich enw a'ch manylion cyswllt i'r swyddogion yr ydych yn cwrdd â nhw. Pan fyddwch yn cyrraedd, gofynnir i chi fewngofnodi os oes gan yr adeilad dderbynfa ac yna byddwn yn cadw taflenni mewngofnodi am ddim mwy na 2 fis. Os oes gennych le parcio wedi'i neilltuo mewn swyddfa Llywodraeth Cymru gyda pharcio rheoledig, yna bydd angen eich rhif cofrestru arnom cyn eich ymweliad. Bydd yr wybodaeth hon yn cael ei chadw am 12 mis.
Mae gan lawer o'n swyddfeydd gamerâu CCTV hefyd ac felly efallai y cewch eich recordio fel rhan o'ch ymweliad. Bydd gan unrhyw swyddfa sydd â chamerâu CCTV arwyddion clir i nodi presenoldeb y camerâu. Mae'r camerâu hyn at ddibenion diogelwch ac ni fydd y fideo yn cael ei ddefnyddio at unrhyw ddiben arall. Byddwn yn cadw ffilm CCTV am ddim mwy na 30 diwrnod.
Bydd eich gwybodaeth bersonol yn cael ei rheoli yn unol â Pholisi Preifatrwydd Academi Wales a Pholisi Preifatrwydd y Rhaglen a fydd yn cael ei rannu gyda chi. Byddwn yn cadw eich data am gyfnod y rhaglen (12 mis o fis Mai 2025) a 13 mis arall. Efallai y cysylltir â chi i gymryd rhan mewn ymchwil i adeiladu ein sylfaen dystiolaeth ar gyfer ein strategaeth a'n heffaith ar arweinyddiaeth mewn gwasanaethau cyhoeddus. Mae cymryd rhan mewn gweithgareddau ymchwil bob amser yn wirfoddol.
Bydd ffurflenni costau teithio yn cael eu cadw am 7 mlynedd yn unol ag amserlenni corfforaethol; bydd y rhain yn cael eu storio mewn ffolder ar wahân a'u labelu'n glir.

Rydym hefyd yn casglu gwybodaeth am ddefnydd o’r wefan gan ddefnyddio cwcis. Edrychwch ar ein polisi cwcis am fwy o wybodaeth.

Eich hawliau mewn perthynas â'ch gwybodaeth

Mae gennych hawl i:

fynediad at y data personol yr ydym yn ei brosesu amdanoch;
ei gwneud yn ofynnol i ni gywiro gwallau yn y data hwnnw;
wrthwynebu prosesu (mewn rhai amgylchiadau);
yr hawl i'ch data gael ei 'ddileu'; cyflwynwch gŵyngwyn i Swyddfa'r Comisiynydd Gwybodaeth (ICO) sef ein rheoleiddiwr annibynnol ar gyfer diogelu data.

Monica Bason-Flaquer
Rheolwr Cyflenwi’r Rhaglen
Parc Cathays
Caerdydd
CF10 3NQ
Ebost: HSCEYG.TimCydraddoldeb@llyw.cymru

Swyddog Diogelu Data
Llywodraeth Cymru
Parc Cathays
CAERDYDD
CF10 3NQ
E-bost: SwyddogDiogeluData@llyw.cymru

Y manylion cyswllt ar gyfer Swyddfa'r Comisiynydd Gwybodaeth yw:

Wycliffe House
Water Lane
Wilmslow
Cheshire
SK9 5AF

Ffôn: 01625 545 745 neu 0303 123 1113
Gwefan: cy.ico.org.uk