Trosolwg

Gan ddathlu ei deunawfed flwyddyn, rydyn ni’n falch iawn o gyhoeddi y byddwn yn cynnal Ysgol Haf fyw eleni. Mae’r Ysgol Haf yn brofiad dysgu preswyl dwys, 5 diwrnod o hyd, sy’n dod ag arweinwyr ac uwch reolwyr ynghyd i fynd i’r afael â materion allweddol ar bwnc penodol yn ymwneud ag arweinyddiaeth.

Rydym yn croesawu’r cyfle i barhau i gefnogi ein cydweithwyr o bob rhan o’r sector cyhoeddus a’r trydydd sector yng Nghymru. Mae rhaglen yr Ysgol Haf 5 diwrnod yn ysbrydoledig ac yn dreiddgar! Byddwch yn darganfod safbwyntiau a syniadau newydd a fydd yn gwella eich sgiliau a’ch gwybodaeth i ymgymryd â’r heriau y mae eich sefydliadau’n eu hwynebu ar hyn o bryd.  

Bydd yr Ysgol Haf 2023 yn cael ei chynnal o ddydd Llun, 26 i ddydd Gwener, 30 Mehefin.

Mae digwyddiadau’r ddwy flynedd ddiwethaf wedi trawsnewid y ffordd rydyn ni’n gweithio, gan gyflymu tueddiadau a oedd eisoes ar waith a chwestiynu llawer o bethau roedden ni’n eu cymryd yn ganiataol. Mae’r ffordd y mae sefydliadau’r sector cyhoeddus yng Nghymru yn cydbwyso cynaliadwyedd â chefnogi anghenion gweithiwyr, yn allweddol wrth i ni greu normal newydd.  Bydd hyn yn golygu bod sefydliadau’n cynyddu eu ffocws ar amrywiaeth, cydraddoldeb a chynhwysiant, yn ogystal â materion amgylcheddol a chymdeithasol.

Bydd yr Ysgol Haf yn rhoi cyfle i chi fynychu amrywiaeth o weithgareddau rhyngweithiol a ddarperir gan academyddion, awduron a darparwyr sy’n gallu rhannu eu profiadau a’u gwybodaeth i’ch cefnogi chi, eich sefydliad, a’r gymuned rydych chi’n ei gwasanaethu.

Manteision i chi

Mae Ysgol Haf Arweinyddiaeth Un Gwasanaeth Cyhoeddus Cymru wedi’i chynllunio i roi’r cyfle i chi adolygu ac adnewyddu eich sgiliau, adeiladu gwybodaeth newydd a chael mewnwelediad i’ch ymarfer arwain. Mae’n rhoi cyfle i archwilio ffyrdd arloesol o ‘gyflwyno’r busnes’, gan ddefnyddio cyfoeth o wybodaeth a phrofiad byd-eang.

Sylwadau gan gynrychiolwyr Ysgol Haf 2022 oedd:

Cadeiryddion a siaradwyr

Rydym wedi datblygu rhaglen 5 diwrnod a fydd yn gyffrous, yn llawn ac yn amrywiol i chi. Bydd y rhaglen yn cynnwys nifer o siaradwyr rhyngwladol yn y DU sy’n academyddion neu’n arbenigwyr yn eu dewis feysydd. Mae’r rhaglen ar gyfer 2023 yn cynnwys:

Ymddygiad arweinyddol

Bydd y rhaglen hyfforddiant yma yn gymorth i chi ddatblygu eich ymddygiad arweinyddol yn y meysydd canlynol:

Cynulleidfa darged

Mae’r digwyddiad hwn wedi’i anelu at reolwyr ac arweinwyr lefel uwch sy’n gweithio yn y sector cyhoeddus, y trydydd sector neu’r sector gwirfoddol yng Nghymru.  I elwa fwyaf ar yr Ysgol Haf, mae’n bwysig eich bod ar y lefel gywir yn eich taith gyrfa. Mae’r Ysgol Haf yn addas ar gyfer y rhai sy’n arwain tîm, cangen neu adran yn eu sefydliad, gyda chyfrifoldeb am greu amgylchedd gwaith effeithiol i’w staff, ac am nodi a hwyluso unrhyw newidiadau sydd eu hangen i gyflawni amcanion eu sefydliad.

Sylwch mai nifer gyfyngedig o leoedd sydd ar gael ar gyfer yr Ysgol Haf gan fod y galw am leoedd bob blwyddyn yn fwy na’r hyn y gallwn ni ei gymryd.

Cost

Codir tâl cynrychiolwyr o £750 + TAW ar gyfer yr Ysgol Haf sy’n cynnwys cyfraniad at gostau dysgu’r digwyddiad.

Y dyddiad cau ar gyfer ceisiadau yw dydd Mawrth, 9 Mai 2023.  

Sylwch, os tynnwch chi’n ôl o’r Ysgol Haf ar ôl i le gael ei ddyfarnu i chi, efallai y bydd yn ofynnol i'ch sefydliad dalu tâl gweinyddol.

Bwrsariaethau ar gyfer y trydydd sector a’r sector gwirfoddol

Rydyn ni’n cynnig nifer cyfyngedig o fwrsariaethau o hyd at 100% tuag at gost cynadleddwyr Ysgol Haf 2023. Rydyn ni’n annog ceisiadau gan grwpiau sy’n cael eu tangynrychioli, grwpiau lleiafrifol, a grwpiau difreintiedig, lle mae gan sefydliadau trydydd sector a’r sector gwirfoddol lai o arian.

Gwneud cais am fwrsariaeth

Rhowch dystiolaeth eich bod yn bodloni’r cymhwysedd (50 i 100 gair). Mae angen i’ch ymateb alinio â’r meini prawf isod:

• Rydych chi’n rhan o grwp sy’n cael ei dangynrychioli, grwp lleiafrifol neu grwp difreintiedig o fewn eich sefydliad trydydd sector neu sector gwirfoddol.
• Maint eich sefydliad.
• Gwerth y fwrsariaeth rydych chi’n gwneud cais amdano.

Sut i wneud cais

Mae nifer gyfyngedig o leoedd ar gael ar gyfer y digwyddiad hwn a fydd yn cael eu cynnig drwy broses ddethol gystadleuol. Dyfernir lleoedd i’r ymgeiswyr hynny sy’n darparu amcanion cryf ar gyfer cymryd rhan yn yr Ysgol Haf ac sy’n gallu dangos y byddant yn dychwelyd ar fuddsoddiad.

Ni fu dangos elw ar fuddsoddiad erioed yn bwysicach nag yn yr hinsawdd sydd ohoni.  Nid yw adenillion ar fuddsoddiad yn ymwneud ag enillion ariannol yn unig. Effaith gynaliadwy'r dysgu i chi a'ch sefydliad a sut mae hyn yn cysylltu â gwasanaethau a ddarperir ar gyfer pobl Cymru. Mae'n arbennig o berthnasol i'r rhai sy'n gweithio drwy gyfnod heriol ac yn ceisio gwneud gwelliannau sylweddol i'w canlyniadau sefydliadol.

Y broses ymgeisio

Mae’r broses recriwtio ar gyfer Ysgol Haf 2023 yn cau ar 9 Mai 2023.

Bydd angen i’r rheolwr llinell ddilysu eich cais. Rhowch eu manylion cyswllt ar eich ffurflen gais.

Os yw eich sefydliad ar y rhestr gyswllt ganlynol, efallai y byddwch am roi gwybod i’r cyswllt sefydliadol i’w hysbysu eich bod yn bwriadu gwneud cais.

Byddwn yn rhoi gwybod i chi a ydych wedi derbyn lle erbyn 26 Mai 2023.

Mwy o wybodaeth

I ddod o hyd i fwy o fanylion, gweler ein gwybodaeth fanwl.