Nazir Afzal OBE

Roedd Nazir Afzal OBE yn Brif Erlynydd y Goron ar gyfer Gogledd Orllewin Lloegr ac yn gyn Gyfarwyddwr yn Llundain. Roedd yn Brif Weithredwr Comisiynwyr Heddlu a Throseddu’r wlad ac, yn fwyaf diweddar, yn Gynghorydd Cenedlaethol i Lywodraeth Cymru. Yn ystod gyrfa 30 mlynedd, mae wedi erlyn yr achosion uchaf eu proffil yn y wlad a chynghori ar lawer o rai eraill ac wedi arwain yn genedlaethol ar nifer o bynciau cyfreithiol, gan gynnwys Trais yn erbyn Menywod a Merched, cam-drin plant yn rhywiol, a thrais ar sail anrhydedd. Roedd yn gyfrifol am fwy na 100,000 o erlyniadau bob blwyddyn. Fe wnaeth ei erlyniadau yng nghyswllt y ‘Rochdale grooming gang’, fel y'u gelwid, a channoedd o rai eraill dorri tir newydd a newid tirwedd amddiffyn plant.

Ef yw Canghellor Prifysgol Manceinion – y brifysgol fwyaf sydd ar un safle yn y DU, y brifysgol fwyaf poblogaidd yn y DU ar gyfer ceisiadau, y brifysgol sydd ar y brig ar gyfer cyflogadwyedd, yn safle rhif 28 yn fyd-eang, 44000 o fyfyrwyr, 13000 o staff, 550000 o gyn-fyfyrwyr, 25 o Enillwyr Gwobr Nobel

Mae'n dod yn Gadeirydd Theatr Lowry – "National Theatre of the North."

Mae'n Gadeirydd Panel Diogelu Cenedlaethol Eglwys Loegr

Mae ar fwrdd Asiantaeth Safonau annibynnol newydd y Diwydiannau Creadigol

Cynghorydd Strategol i’r People’s Powerhouse

Roedd yn aelod o Sefydliad Annibynnol Safonau yn y Wasg

Noddwr Cymdeithas y Partneriaid Diogelu

Mae'n aelod o Bwyllgor Moeseg Cenedlaethol Penaethiaid yr Heddlu

Ef oedd Cadeirydd annibynnol cyntaf Asiantaeth Ddiogelu'r Eglwys Gatholig.

Mae'n gynghorydd i Bikal Technologies (UK) Ltd, sy'n datblygu cynnyrch Deallusrwydd Artiffisial a 5G, gan ddefnyddio ymchwil gan brifysgolion yn bennaf i drosglwyddo i gynnyrch masnachol.

Ef oedd Cadeirydd yr Adolygiad Annibynnol o Ddiwylliant Brigâd Dân Llundain a'r Cyngor Nyrsio a Bydwreigiaeth

Mae'n Ymddiriedolwr Sefydliad WOW (World of Women)

Mae ei hunangofiant "The Prosecutor" a gyhoeddwyd yn 2020 yn cael ei addasu ar gyfer drama Brydeinig mewn sawl rhan ar hyn o bryd. Cyhoeddwyd ei lyfr newydd "The Race to the Top" ym mis Medi 2022. Ei raglen 'Desert Island Discs' ar BBC R4 oedd y 3ydd mwyaf poblogaidd yn 2021.

Mae Nazir yn diwtor ar gyfer sawl rhaglen arweinyddiaeth yn y sector cyhoeddus a phreifat. Mae wedi gwneud cyflwyniadau i ddwsinau o sefydliadau amrywiol yn y wlad hon a thramor. Mae wedi rhoi cannoedd o gyfweliadau ym mhob math o gyfryngau. Mae Nazir yn rhoi cryn dipyn o amser i waith elusennol ac mae'n ymddiriedolwr a Noddwr i nifer o gyrff anllywodraethol gan gynnwys ServiceSix, DVAssist, Jan Trust, Samantha Sykes Foundation, Karma Nirvana, Halo Project a SaveraUK a bu'n Gadeirydd Mosaic Trust Tywysog Cymru.

Mae'n Gymrawd er Anrhydedd Prifysgol Canolbarth Swydd Gaerhirfryn a Phrifysgol Glyndŵr a dyfarnwyd Doethuriaethau er Anrhydedd yn y Gyfraith iddo gan Brifysgol Birmingham, Manceinion, Bradford, Caerlŷr a South Bank Llundain. Mae wedi cadeirio cynadleddau yn Efrog Newydd, Madrid, Paris, Norwy a Genefa. Mae wedi cynorthwyo llywodraethau Somalia, Wcráin a Phacistan ar ddiwygio Rheolaeth y Gyfraith.

Mae Nazir wedi cael llawer o anrhydeddau. Yn 2005, dyfarnwyd OBE iddo gan y Frenhines am ei waith. Mae hefyd wedi cael yr anrhydedd o fod yr unig gyfreithiwr erioed i erlyn achos gerbron y Frenhines. Yn 2007, derbyniodd Wobr Cyfiawnder Llywodraeth y DU a dyfarnwyd “Gwobr y Bobl” papur newydd y Daily Mirror iddo, yn sgil pleidlais ymhlith y darllenwyr. Dewiswyd Nazir hefyd ar gyfer yr Asian Power 100 ynghyd â rhestr Muslim Power 100, gan ei gydnabod fel un o’r 100 o Fwslimiaid ac Asiaid blaenllaw mwyaf dylanwadol yn y DU.  Fe'i rhestrir yn y Pakistan Power100 sy'n ei ystyried yn un o'r 100 o bobl fwyaf dylanwadol o dras Pacistanaidd yn y byd heddiw. Ef oedd "Dyn y Flwyddyn 2012" yr Asian Media Group. Yn fwyaf diweddar, derbyniodd y Wobr Cyflawniad Oes yng ngwobrau Pride of Birmingham 2022. Enillodd y wobr "Disruptor for Good" gyntaf erioed yng Ngwobrau Northern Power Women 2022.

Roedd y ffilm BBC "Three Girls" yn seiliedig ar ei achos

“An inspiring figure, forensically intelligent” – Golygyddol y Times, Tachwedd 2012

“Until recently crimes encountered by pioneering prosecutor rarely troubled a courtroom, now these issues have risen to the top of the Policy agenda” – The Independent, Gorffennaf 2012

“The authentic face of British Justice” – Proffil Dydd Sadwrn y New York Times, 2013

Natalia Bojanic

SIY Global Leadership

Mae Natalia Bojanic wedi hwyluso gweithdai mewn ystod eang o leoliadau, o elusennau i gwmnïau cyfreithiol ac mae wedi gweithio gyda chwmnïau ar draws gwahanol ddiwydiannau, megis Lululemon, Amex a CancerCare. Mae ei chefndir addysgu’n amrywiol, gan gyfuno doethineb hynafol o Fwdhaeth Tibet ag ymwybyddiaeth ofalgar seciwlar o Search Inside Yourself, Sefydliad Arweinyddiaeth a ddechreuodd yn Google ac a ddatblygwyd gan arweinwyr meddwl ym maes deallusrwydd emosiynol, ymwybyddiaeth ofalgar a niwrowyddoniaeth. Ar hyn o bryd mae Natalia yn astudio ar gyfer gradd Meistr mewn Seicoleg a Niwrowyddoniaeth Iechyd Meddwl yn King's College Llundain.

Mae hi hefyd yn gyd-sylfaenydd Form Nutrition, sef B Corp sy'n defnyddio busnes fel grym er daioni. Mae’n fusnes newydd a ddisgrifiwyd gan y Telegraph fel brand 'sy’n trawsnewid'. Cyn hynny roedd hi'n Gyfarwyddwr Cysylltiadau Cyhoeddus yn y diwydiant nwyddau moethus, yn gweithio i frandiau fel LVMH a Land Rover.

Dr Stephanie Hare

Cyd-gyflwynydd rhaglen y BBC 'Artificial Intelligence: Decoded' ac awdur 'Technology Is Not Neutral: A short guide to technology ethics'. Mae Dr Stephanie Hare yn awdur, ymgynghorydd a phrif siaradwr sy'n canolbwyntio ar effaith deallusrwydd artiffisial ar fusnes a chymdeithas. Mae ei llyfr 'Technology Is Not Neutral: A Short Guide to Technology Ethics' yn archwilio'r materion sy'n ymwneud â Deallusrwydd Artiffisial a Big Tech yn ogystal â'i effeithiau ar ddynoliaeth.

Mae arbenigedd Stephanie yn y man hwnnw lle mae busnes, technoleg, llywodraethu a moeseg yn cwrdd yn yr oes o gyfalafiaeth gwyliadwriaeth sydd ohoni. Cafodd Stephanie ei dewis ar gyfer menter Menywod Arbenigol y BBC ac mae bellach yn sylwebu yn rheolaidd ar y BBC. Hi yw cyflwynydd Artificial Intelligence: Decoded y BBC ac mae'n cyfrannu'n rheolaidd at slot Business Matters y BBC World Service.

Mae Stephanie yn gyflwynydd a hwylusydd difyr ar gyfer digwyddiadau, gan gyfuno trylwyredd academaidd â chynhesrwydd a dull cyflwyno deinamig pan fydd ar y llwyfan. Cyn dod yn sylwebydd a chyfathrebwr cyfryngau byd-eang, gweithiodd Stephanie i Accenture, Palantir ac Oxford Analytica. Cyhoeddwyd ei gwaith yn The Washington Post, The Guardian/Observer, WIRED, Harvard Business Review a The Financial Times, a ddewisodd 'Technology Is Not Neutral: A Short Guide to Technology' fel un o'i lyfrau gorau yn haf 2022. Ar hyn o bryd mae llyfr Dr Hare wedi'i gynnwys ar faes llafur Ysgol y Gyfraith Harvard.

Mae Stephanie Hare wedi ymgynghori a chyflwyno digwyddiadau ar gyfer llawer o gwmnïau a brandiau. Mae'r rhain yn cynnwys LEGO, KPMG, IKEA, y Gymdeithas Frenhinol, Sefydliad Vodafone, BAE Systems, Citywire, CERN, Mishcon de Reya, the Internet of Things Alliance Australia, Sefydliad Alan Turing, Mayer Brown, 7 Bedford Row, Fujitsu, y Data Lab, Vistage a SOLACE, prif rwydwaith y DU ar gyfer gweithwyr proffesiynol yn y sector cyhoeddus.

Mae gan Stephanie PhD ac MSc o Ysgol Economeg Llundain ac astudiodd ym Mhrifysgol Illinois yn Urbana-Champaign, gan gynnwys blwyddyn yn Université de la Sorbonne (Paris IV). Bu’n dal Cymrodoriaeth Wadd Alastair Horne yng Ngholeg St Antony, Rhydychen.

Fons Trompenaars

Trompenaars Hampden-Turner

Mae Fons yn ddamcaniaethwr sefydliadol o'r Iseldiroedd ac yn sylfaenydd a chyfarwyddwr yr ymgynghoriaeth reoli ryngddiwylliannol Trompenaars Hampden-Turner.

Mae'n cael ei gydnabod ledled y byd am ei waith fel ymgynghorydd, hyfforddwr, siaradwr ysgogol ac awdur llyfrau amrywiol ar amrywiaeth o bynciau ym maes diwylliant a busnes.

Cafodd Fons Trompenaars ei MA mewn Economeg yn y Vrije Universiteit Amsterdam yn 1979 a'i PhD o Ysgol Wharton ym Mhrifysgol Pennsylvania yn 1983 ar gyfer y traethawd ymchwil ‘The Organization of Meaning and the Meaning of Organization’.

Mae wedi treulio dros 30 mlynedd yn helpu arweinwyr Fortune 500 i adeiladu cysylltiadau ystyrlon i reoli a datrys eu problemau busnes a diwylliant er mwyn cynyddu effeithiolrwydd a pherfformiad byd-eang, yn enwedig ym meysydd arweinyddiaeth, arloesi, globaleiddio, dealltwriaeth ryngddiwylliannol a rheoli newid diwylliant trwy gysoni gwahaniaethau (ar sail ethnigrwydd, rhywedd neu genhedlaeth, proffesiynol, sefydliadol ac ati).

Mae Fons wedi trosi ei ddull yn ganlyniadau arloesol, ymarferol a phroffidiol ym mhob maes busnes rhyngwladol.

Yn y gofod academaidd, mae'n Gyd-gyfarwyddwr yn y Servant-Leadership Centre for Research and Education (SERVUS) yn VU Amsterdam.

Ym mis Hydref 2023, dyfarnodd Ffederasiwn Cymdeithasau Rheoli Pobl y Byd (WFPMA) ei wobr nodedig Gwobr George Petitpas i Fons Trompenaars - un o feddylwyr rheoli mwyaf dylanwadol y byd mewn seremoni yn Lisbon, Portiwgal.

Cafodd Riding the Waves of Culture: Understanding Cultural Diversity in Business ei gynnwys gan Thinkers50 ymhlith y deg uchaf ar y Management Classics Booklist 2024.

Derek Walker

Comisiynydd Cenedlaethau'r Dyfodol Cymru

Cymru yw’r unig wlad yn y byd sydd â Deddf Llesiant Cenedlaethau’r Dyfodol ac mae’r rôl yn rhoi cyngor a chefnogaeth i'r llywodraeth a chyrff cyhoeddus i gymryd gweledigaeth hirdymor ar benderfyniadau polisi. Gwaith y comisiynydd yw diogelu a hyrwyddo anghenion cenedlaethau’r dyfodol.

Derek Walker yw’r ail Gomisiynydd Cenedlaethau’r Dyfodol, ar ôl dechrau’r rôl ar 1af o Fawrth 2023, pan alwodd am ‘newid bryd a thrawsnewidiol’ yng Nghymru.

Cyn hynny, ef oedd prif weithredwr Cwmpas, asiantaeth datblygu fwyaf y DU. Treuliodd Derek 12 mlynedd fel Prif Swyddog Gweithredol, yn gweithio i gefnogi pobl a cymunedau i greu swyddi a chryfhau cymunedau, a newidiodd ffocws y sefydliad ar ddatblygu sy’n diwallu anghenion y cenedlaethau’r presennol heb gyfaddawdu ar anghenion cenedlaethau’r dyfodol.

Dechreuodd Derek ei yrfa fel swyddog polisi i Gynghorau Llundain, yn Llundain a Brwsel. Mae hefyd wedi gweithio fel Pennaeth Materion Allanol yn y Gronfa Loteri Fawr (Cymru), fel Pennaeth Polisi ac Ymgyrchoedd yn TUC Cymru ac ef oedd cyflogai cyntaf Stonewall Cymru.

Magwyd Derek ar fferm ger Cwmbrân ac mae’n rhedwr brwd a chwaraewr tenis, wrth ei fodd yn darllen ac yn ddysgwr Cymraeg. Mae bellach yn byw yng Nghaerdydd gyda’r bartner Mike ac mae ganddo ddau o blant. Ei uchelgais tra yn Ysgol Gyfun Croesyceiliog oedd bod yn newyddiadurwr ac mae ganddo radd Meistr mewn Newyddiaduraeth Ryngwladol o Brifysgol Caerdydd. Mae'n hapus sut mae bywyd wedi troi allan ac mae’n dweud mai bod yn warcheidwad buddiannau pobl sydd heb eu geni eto yw’r fraint fwyaf.

Bernie Davies

Mae Bernie Davies, enillydd Gwobr Cyflawniad Oes 2023 Cymdeithas Cydnabod Llwyddiant Menywod Cymreig o Leiafrifoedd Ethnig, yn Siaradwr TEDx sydd wedi ennill sawl wobr ac yn Awdur Poblogaidd ac Arweinydd Amrywiaeth ac Entrepreneuriaeth, gyda gyrfa gyfreithiol ragorol flaenorol ym maes eiddo am dros 21 mlynedd. Bernie yw Cyn-Gadeirydd Siambr Fasnach Castell-nedd, y fenyw ddu  gyntaf i gael ei phenodi i Banel Cynghori Ombwdsmon Gwasanaethau Cyhoeddus Cymru, Is-lywydd Etholedig Addysg Oedolion Cymru, Aelod o Fwrdd Business in Focus, Elusen Celfyddydau Fio, Pwyllgor Rheoli Hanes Pobl Dduon Cymru, Llysgennad ar gyfer y Commonwealth Entrepreneurs Club a Llysgennad Heddwch gyda’r Universal Peace Federation.

Mae galw mawr amdani fel Mentor, ac mae’n cefnogi Busnes Cymru, a Rhaglenni Mentora Pŵer Cyfartal Llais Cyfartal, yn ogystal â bod yn hyfforddwr ar Raglen Cyflymu Rhagoriaeth Llywodraeth Cymru, ac yn Sylfaenydd Bernie Davies Global a Mastering Diversity CIC. Fe'i gwelwyd ar raglen ITV Wales Face2Face gydag Adrian Masters, ac mae Bernie yn cefnogi rhaglenni entrepreneuriaeth sy’n canolbwyntio ar amrywiaeth ar gyfer banciau mawr, prifysgolion a phrosiectau'r llywodraeth, ac mae’n aelod o Baneli Amrywiaeth S4C ac ITV Cymru.

Ym mis Medi 2023, lansiodd Bernie Mastering Diversity, sef Cynhadledd Amrywiaeth a Chynhwysiant amlddisgyblaethol a gynhelir yn flynyddol yng Nghymru, a gafodd ei galw'n ddigwyddiad hanesyddol gan Lywodraeth Cymru, Sesiynau Women Mastering Change yn San Steffan a Thŷ'r Arglwyddi, a Thasglu Cymru Mastering Diversity. Ers hynny, mae hi wedi lansio Gwobrau Amrywiaeth Mastering Diversity 2024. Mae gwaith Bernie yn cael ei arwain gan ei hangerdd a'i mantra enwog... "Rydyn ni'n mynd gyda'n gilydd neu ddim o gwbl!”

Paul Kindred

Dirprwy Gyfarwyddwr, Diwylliant, Lywodraeth Cymru

Mae Paul wedi bod yn was sifil er 1987, gan ddod â chyfoeth o wybodaeth a phrofiad ar draws ystod eang o feysydd polisi. Ar ddechrau ei yrfa bu’n gweithio yn yr Adran Iechyd a Nawdd Cymdeithasol, yn cefnogi rhai o'r bobl fwyaf difreintiedig yn ein cymdeithas, gan weld yn uniongyrchol sut mae anghydraddoldeb ac allgáu yn effeithio ar wahanol bobl. Taniodd hyn ei angerdd am gyfiawnder cymdeithasol a chynhwysiant ac mae wedi bod yn nodwedd gref ar waith polisi drwy gydol ei yrfa. Ymunodd Paul â Llywodraeth Cymru yn 2004, a bu’n arwain ar bolisi band eang yn y dyfodol, yn gweithio ar bolisi economaidd gan gynnwys datblygu Ardaloedd Menter, ac yna wyth mlynedd fel yr uwch arweinydd polisi ar ddarlledu, y cyfryngau ac Ewrop Greadigol cyn symud i Ddiwylliant.

Nashima Begum

Uwch Gynghorydd Polisi, Cydraddoldeb a Gwrth-hiliaeth, Llywodraeth Cymru

Mae Nashima yn weithiwr polisi proffesiynol profiadol gydag arbenigedd mewn datblygu a gweithredu polisi o fewn Llywodraeth Cymru. Chwaraeodd ran allweddol yn y tîm a ddatblygodd Gynllun Gweithredu Cymru Wrth-hiliol ac mae bellach yn gweithio yn yr Is-adran Diwylliant, lle mae'n arwain ar weithredu nodau a chamau gweithredu Diwylliant, Treftadaeth a Chwaraeon y Cynllun.  Yn ei rôl bresennol, mae Nashima yn cydweithio ar draws sectorau, ar lefel genedlaethol a lleol, i sicrhau bod y nodau a’r camau gweithredu Diwylliant, Treftadaeth a Chwaraeon yn cael eu cyflawni'n llwyddiannus. Mae hyn yn cynnwys gweithio'n agos gyda rhanddeiliaid mewn sefydliadau diwylliannol, celfyddydol, treftadaeth a chwaraeon, a chymunedau llawr gwlad i fwrw ymlaen â mentrau sy'n hyrwyddo gwrth-hiliaeth.

Hugh Irwin (Cadeirydd)

Rheolwr Gyfarwyddwr, HICO

Hugh yw sylfaenydd a Rheolwr Gyfarwyddwr HICO, sefydliad sy'n ymroddedig i ddarparu cymorth ym maes newid strategol ac arweinyddiaeth ar draws ystod amrywiol o wasanaethau cyhoeddus yng Nghymru. Dros yr wyth mlynedd diwethaf, mae Hugh wedi arwain HICO wrth adeiladu rhwydwaith o gymdeithion profiadol iawn, pob un â hanes profedig o uwch reolaeth o fewn sefydliadau gwasanaethau cyhoeddus. Gydag ymrwymiad dwfn i gynaliadwyedd a gwerthoedd gwasanaeth cyhoeddus, mae Hugh yn dod ag arbenigedd pwnc a phrofiad helaeth o arweinyddiaeth ar draws sawl sector. Mae'n arbenigo mewn agweddau ymddygiadol ar newid, gan bwysleisio pwysigrwydd meithrin ymddygiadau a pherthnasoedd cadarnhaol i ysgogi trawsnewidiadau llwyddiannus, cynaliadwy.

Daw Hugh yn wreiddiol o Iwerddon, ac mae wedi bod yn byw yng Nghymru ers dros 30 mlynedd. Dechreuodd ei yrfa broffesiynol fel gweithiwr cymdeithasol, gan weithio ar draws llywodraeth leol, tai a'r trydydd sector. Roedd ei waith yn cefnogi unigolion oedd yn wynebu amrywiaeth o heriau, gan gynnwys digartrefedd, materion yn ymwneud â heneiddio, anableddau corfforol ac anableddau dysgu, camddefnyddio sylweddau, ac anghenion iechyd meddwl. Mae Hugh hefyd wedi datblygu profiad sylweddol o lywodraethu, gan wasanaethu ar sawl bwrdd. Ar hyn o bryd, ef yw Cadeirydd Stori, Cymdeithas Dai yng Nghymru sy'n darparu tai a chymorth i unigolion digartref a goroeswyr cam-drin domestig.

Mae Hugh yn credu’n gryf mewn galluogi timau a sefydliadau ymatebol, hyblyg sy’n seiliedig ar bwrpas. Mae'n credu bod y dull hwn yn hanfodol ar gyfer mynd i'r afael â'r heriau cymhleth sy'n wynebu cymdeithas, gan greu lle ar gyfer meddwl yn arloesol ar yr un pryd. Mae'n ymroddedig i helpu arweinwyr i drosi eu gwerthoedd yn gamau gweithredu pwrpasol, mynd ati i chwilio am safbwyntiau amrywiol, a manteisio ar alluoedd amrywiol ac unigryw i sicrhau eu bod yn cael yr effaith fwyaf bosibl.

Ar hyn o bryd mae Hugh a'i dîm yn cefnogi Iechyd Cyhoeddus Cymru i ddatblygu a defnyddio eu Hacademi Arweinyddiaeth. Dros y pedair blynedd diwethaf, mae Hugh hefyd wedi partneru ag Academi Wales i gyflwyno rhaglen arweinyddiaeth arloesol ar gyfer uwch arweinwyr gwasanaethau cyhoeddus, gan bwysleisio arweinyddiaeth gynhwysol a phwrpasol o fewn cyd-destun dwyieithog.

Yn ei fywyd personol, mae Hugh wrth ei fodd â'r awyr agored ac mae’n caru gwrando ar gerddoriaeth a chreu cerddoriaeth.