Trosolwg

Mae'r sesiwn ryngweithiol hon yn cynnig cyflwyniad i Ddeallusrwydd Emosiynol a pham ei fod yn bwysig mewn arweinyddiaeth.

Byddwn yn archwilio beth yw Deallusrwydd Emosiynol, sut mae'n wahanol i Gyniferydd Deallusrwydd (IQ), a pham mae'n chwarae rhan mor bwysig yn y ffordd rydyn ni'n ymddangos yn y gwaith. Gyda'n gilydd, byddwn yn myfyrio ar sut y gall datblygu mwy o ymwybyddiaeth a dealltwriaeth emosiynol ein helpu i arwain yn fwy effeithiol, yn enwedig mewn amgylcheddau heriol neu brysur.

Bydd lle i rannu syniadau, myfyrio ar eich profiadau eich hun, ac ystyried camau bach, realistig y gallech eu cymryd i ddatblygu eich deallusrwydd emosiynol dros amser.

Byddwch yn:

• Archwilio beth yw deallusrwydd emosiynol a pham mae'n bwysig mewn arweinyddiaeth
• Myfyrio ar sut mae eich emosiynau’n effeithio ar eich ymddygiad a'ch perthnasoedd
• Ystyried ffyrdd syml, ymarferol o ddatblygu ymwybyddiaeth emosiynol a’r gallu i reoleiddio emosiynau
• Cysylltu ag eraill a rhannu profiadau arweinyddiaeth

Manteision i chi

• Mwy o ymwybyddiaeth o'ch arferion emosiynol a'ch cryfderau emosiynol
• Syniadau ar gyfer rheoli emosiynau'n fwy effeithiol yn y gwaith
• Sylfeini cryfach ar gyfer cyfathrebu a chydweithio

Ymddygiad arweinyddol

Bydd y rhaglen hyfforddiant yma yn gymorth i chi ddatblygu eich ymddygiad arweinyddol yn y meysydd canlynol:

Cynulleidfa darged

Yn agored i holl staff y sector cyhoeddus a'r trydydd sector yng Nghymru:

• Arweinwyr cynnar - Pobl sy'n dechrau eu gyrfa arweinyddiaeth - yn arwain tîm neu'n dylanwadu trwy arbenigedd a pherthnasoedd.
• Arweinwyr profiadol - Pobl sydd â mwy o brofiad arweinyddiaeth - yn arwain swyddogaethau neu wasanaethau drwy osod cyfeiriad strategol a sicrhau cysondeb rhwng nifer o dimau

Cost

Dim cost i gynrychiolwyr.

Sut i wneud cais